پێنج ئاهه‌نگێن خێزانی د رۆژێن جه‌ژنا قوربانی دا گێڕان
ئه‌ڤرۆ، رێوار محه‌مه‌د:
سترانبێژا كورد دونیا به‌رواری ل دۆر نووترین ده‌نگوباسێن خوه یێن هونه‌ری بۆ رۆژناما ئه‌ڤرۆ دیار كر كو د رۆژێن جه‌ژنا قوربانی دا وێ سه‌ره‌دانا هاڤینگه‌ها (بێخال) كربوو و پێنج ئاهه‌نگێن خێزانی گێرابوون و گۆت: “من دڤێت ب رێیا كارێن خوه یێن هونه‌ری داهاته‌كی بۆ ب رێڤه‌برنا ژیانا خوه و ئه‌نجامدانا كارێن خوه یێن هونه‌ری ب ده‌ست خوه‌ڤه بنم و من نه‌ڤێت ژ نوكه وێڤه بۆ ئه‌نجامدانا كارێن خوه یێن هونه‌ری بۆ خوه ل سپۆنسه‌ران بگه‌ڕم”.
ناڤهاتیێ ئاماژه دا وێ چه‌ندێ كو د ڤێ قووناغێ دا من نه‌ڤێت چو به‌رهه‌مێن نوو یێن هونه‌ری چێكه‌م هه‌تا به‌رهه‌ڤیێن باش نه‌كه‌م ئه‌ڤه د ده‌مه‌كی دایه به‌ری نوكه من دو به‌رهه‌م د سالێن 2019 و 2020 به‌لاڤكرینه و گۆت: “ده‌مێ قه‌ستا ئاهه‌نگان دكه‌م ئه‌ز به‌هراپتر سترانێن به‌رهه‌مێن خوه دبێژم”.
