پێنج تشتان به‌رچاڤ وه‌رگره ل ده‌مێ كرینا ده‌مژمێرێن زیره‌ك
هه‌ر وه‌كو كرینا ئامیرێن كۆمپیۆته‌ری یان هه‌ر ئامیره‌كێ ئه‌لكترۆنی، یا گرنگه ڤان تشتان به‌رچاڤ وه‌رگری ل ده‌مێ كرینا ده‌مژمێرێن زیره‌ك.
دڤێت ل بیرا ته بیت، هژماره‌كا ئێكجار زۆر ژ ده‌مژمێرێن زیره‌ك نها یێ ل بازاری هه‌ین، ل ڤێره دێ پێنج تشتان به‌رچاڤ كه‌ین كو دڤێت به‌رچاڤ وه‌ربگری هه‌كه ته بڤێت ده‌مژمێره‌كا زیره‌ك بكری، باش یێ هشیار به.
-ده‌مژمێره‌كێ بكره ل گه‌ل پێدڤیاتیێن ته ب گۆنجیت
دبیت گرنگترین خال ل به‌رچاڤ وه‌ربگری، ل ده‌مێ كرینا ده‌مژمێرێن زیره‌ك، ته ب دروستی چ دڤێت؟ دڤێت بزانی ژی، هه‌موو ده‌مژمێرێن زیره‌ك بۆ ئێك تشت نه‌هاتینه چێكرن. ژ به‌ر هندێ دڤێت مه‌ره‌ما كرینێ ده‌ست نیشان بكه‌ی، ل دووڤ وی تشتێ تو لێ دگه‌ری. دبیت ده‌مژمێره‌ك بۆ په‌یوه‌ندیێ بیت، یان بۆ وه‌رزشێ بیت. یا ژیواری یه، هه‌ر ئێكێ كارێن خوه یێن تایبه‌ت یێن هه‌ین و ب هنده‌ك تشتان ژ یا دی دهێته جوداكرن. ژ به‌ر هندێ گه‌له‌ك یا گرنگه ئه‌ڤ خاله بهێته ده‌ستنیشانكرن.
-هشیاری دیزاین و ماددێ بكارهاتی به
گه‌له‌ك یا گرێدایی خالا سه‌ری یه، دڤێت تو باش بزانی هنده‌ك ده‌مژمێر ب تنێ بۆ مه‌ره‌ما جوانیێ یێن هاتینه چێكرن، ئه‌ڤێ ژی ئه‌م دشێین د دیتنا نمونێن ده‌مژمێرێن زیره‌ك دا ببینین، ئه‌ڤێن ژ لایێ ماركێن جلكان ڤه دهێنه چێكرن وه‌كو مایك كورد، هۆگۆ بۆس، ئیمبوریۆ ئارمانی و گه‌له‌ك كۆمپانیێن دی ئه‌ڤێن ده‌مژمێرێن زیره‌ك ژ ماددێن كلاسیكی وه‌كو پیستی و ستیلی.
ژ لایه‌كێ دی ڤه، ئه‌م هه‌موو ده‌ما ده‌مژمێرێن زیره‌ك دبینین هزر ل بابه‌تێ وه‌رزشێ دكه‌ین، ئه‌وێن ژ پلاستیكی و سلیكۆنی و ئه‌له‌منیۆمی هاتینه چێكرن ل گه‌ل هنده‌ك ماددێن دی. ل دووماهیێ دێ بێژین مادده ل دووڤ جۆرێ ده‌مژمێرا زیره‌ك دهێته گوهۆڕین.
– پشت راست به كا یێ پێدڤیی وی پاره‌یی ب ده‌مژمێرێ بده‌ی
ته‌كنولۆژیا NFC نها تشته‌كێ بنه‌ڕه‌ته ل ڤان سه‌رده‌مێن دووماهیێ، چو د مۆبایلان دا بیت یان هه‌تا ل گه‌ل ده‌مژمێرێن زیره‌ك بیت. ل ده‌مێ نه‌زانینا ته، دشیان دایه ڤێ ده‌مژمێرێ ل گه‌ل ئامیرێن دی رێك بێخی و هه‌ر تشتێ د مۆبایلێ دا د ده‌مژمێرا ته ژی دا ب وی ره‌نگی كار بكه‌ت، ئانكو پێكڤه گرێدان ل گه‌ل ئێك هه‌بیت.
– سه‌ربه‌خۆیا ده‌مژمێرا زیره‌ك به‌رچاڤ وه‌ربگره
د ده‌ریا ده‌مژمێرێن زیره‌ك دا ئه‌وێن نها دهێنه د بازاری دا، ئێك ژ كاراكته‌رێن گه‌له‌ك گرنگ به‌رچاڤ بهێته وه‌رگرتن، پاتریا وێ یه كا تێرا چه‌ندێ دكه‌ت، پاتریا هنده‌ك ده‌مژمێرێن زیره‌ك به‌هرا دو رۆژان دكه‌ن و یا هنده‌كان ژی به‌هرا هه‌یڤه‌كێ دكه‌ن.
– چو شه‌رم تێدا نینه ده‌مژمێره‌كا بكارهاتی بكری هه‌كه هه‌ر نووكاری بۆ بهێن
ل دووماهیێ ژی دێ بێژین، ل ڤێره خاله‌كا گرنگ یا گرێدایی پاران یا هه‌یی. ئه‌و ژی ئه‌وه ده‌مژمێره‌كا زیره‌ك یا بكارهاتی بكری. چو شه‌رم تێدا نینه، پتریا زۆر یا ڤان كۆمپانیان پشته‌ڤانیا نووكرنا به‌رنامێن ڤان ده‌مژمێران دكه‌ن، ژ به‌ر هندێ ژی دشیان دایه ده‌مژمێره‌كا ده‌ستێ دویێ ژی بكری، یان هه‌ر چو نه‌بیت، پێدڤی ناكه‌ت هه‌ر سال ده‌مژمێرا خوه ب گوهۆری.
