پێنج سالن بەغدا رێگریێ ل بەرهەمێ كێلگەهێن هەرێمـێ دكـەت
هەولێر، قائید میرۆ:
رێڤەبەرێ سامانێن گیانەوەری ل وەزارەتا چاندنێ دیار كر، پێنج سالە بەغدا رێگریێ ل چوونا بەرهەمێ كێلگەهێن هەرێما كوردستانێ دكەت و دبێژیت: بەرهەمێ جۆتیارێن هەرێمێ كوالیتیەكا باش هەیە و دەنگڤەدایە.
فیراز سەدیق، رێڤەبەرێ سامانێن گیانەوەری ل وەزارەتا چاندنێ بۆ رۆژناما ئەڤرۆ دیاركر، دەمێ پێنج سالانە بەغدا رێگریێ ل چوۆنا بەرهەمێ هەرێما كوردستانێ بۆ دەڤەرێن ناڤەڕاست و باشوورێ ئیراقێ دكەت و گۆت: «مە هەمی مەرجێن بەغدا بجهئیناینە، لێ ئەم هەست دكەین ئەگەرێن رێگریا ل بەرهەمێ كیلگەهێن هەرێما كوردستانێ زێدەتر سیاسیە».
گۆتژی: «كوالێتیا بەرهەمێ جۆتیارێن هەرێما كوردستانێ دەنگڤەدایە و مە بەلگە هەنە ل خوارنگەهێن ئیراقێ ریكلام بۆ دهێتە كرن بۆ نموونە، دبێژن: خوارنامە بەرهەمێ مریشكێن هەرێما كوردستانێ یە، ئەڤە بەلگەیە ل سەر كوالێتیا بەرهەمێ جۆتیارێن هەرێمێ».
