پێنج نیشان دیاردكه‌ن زنك د له‌شێ ته‌دا یێ كێمه
ئه‌ڤرۆ، به‌رپه‌رێ ساخله‌میێ:
زانا دیاردكه‌ن، هه‌بوونا رێژه‌كا باش ژ زنكی د له‌شیدا مه‌ترسیا مرنێ ژ ئه‌نجامێ كۆرۆنایێ كێم دكه‌ت، ڤه‌كوله‌رێن ئیسپانی د كوڤارا medikforum دا دیاركرن، ده‌مێ ئاستێن زنكی د خوینا نه‌خۆشێن كۆرۆنایێ دا گه‌له‌ك كێم بن، هه‌ڤبه‌ندیه‌ك دگه‌ل مرنێ هه‌یه و ژ ئه‌نجامێ تووشبوونیێ ب ڤایرۆسی، پرسیار ئه‌وه دێ چاوا ئاستێ زنكی د له‌شیدا رێكئێخی؟
ئه‌ڤه هنده‌ك نیشانن دیاردكه‌ن كو زنك د له‌شیێ ته‌دا یێ كێمه:
- پرچ وه‌ریان:
په‌یمانگه‌ها نیشتمانی یا ساخله‌میێ دیاردكه‌ت ئه‌و كه‌سێن تووشی ئێشا رووڤیان دبن كو دبیته ئه‌گه‌رێ وه‌ریانا پرچێ ل سه‌ری و هنده‌ك پشكێن دی یێن له‌شی، پتریا جاران زنك ل ده‌ڤ وان كه‌سان یێ كێمه.
- پرسكێن گه‌نجاتییێ:
ل دووڤ هنده‌ك بابه‌تێن كو ل كوڤارا Dematology Reserarch and Practics هاتینه به‌لافكرن، ده‌مێ كێماتی د زنكی دا هه‌بیت دبیته ئه‌گه‌رێ پرسكان و لیرێن پیستی.
- زوو خولێكنه‌دانا برینان:
ئێك ژ نیشانێن دیتره كو زنك د له‌شیدا یێ كێمه، ده‌مێ برین بو ده‌مه‌كیێ درێژ خوه لێكنه‌ده‌ن.
- ئاریشێن دیتنێ:
زنك، رۆله‌كێ گرنگ د پاراستنا دژواریا دیتنێ دا دبینیت، هاریكاره بو ڤه‌گوهاستنا ڤیتامین ئه‌ی ژ جگه‌ریێ بو تورا چاڤی، بو دروستكرنا بویاغێن پاراستنا چاڤی، ل دووڤ ڤێ چه‌ندێ كێمبوونا وی دبیته ئه‌گه‌رێ دیتنه‌كا خراب.
- تێكچوونا هه‌ستا تامكرنێ:
زنك هاندانا مه‌ژی دكه‌ت بو كونترولكرنا خوارنێ، ئاستێ وی هه‌كه یێ كێم بیت تاما خوارنێ نامینیت، ئه‌ڤه پتر ل ده‌ڤ كه‌سێن دانعه‌مر یا به‌ربه‌لاڤه.
