پێنج نیشان دیاردكەن زنك د لەشێ‌‌ تەدا یێ‌‌ كێمە

زانا دیاردكەن، هەبوونا رێژەكا باش ژ زنكی د لەشیدا مەترسیا مرنێ‌‌ ژ ئەنجامێ‌‌ كۆرۆنایێ‌‌ كێم دكەت، ڤەكولەرێن ئیسپانی د كوڤارا medikforum دا دیاركرن، دەمێ‌‌ ئاستێن زنكی د خوینا نەخۆشێن كۆرۆنایێ‌‌ دا گەلەك كێم بن، هەڤبەندیەك دگەل مرنێ‌‌ هەیە و ژ ئەنجامێ‌‌ تووشبوونیێ‌ ب ڤایرۆسی، پرسیار ئەوە دێ‌‌ چاوا ئاستێ‌‌ زنكی د لەشیدا رێكئێخی؟
ئەڤە هندەك نیشانن دیاردكەن كو زنك د لەشیێ‌ تەدا یێ‌‌ كێمە:
• پرچ وەریان: پەیمانگەها نیشتمانی یا ساخلەمیێ‌‌ دیاردكەت ئەو كەسێن تووشی ئێشا رووڤیان دبن كو دبیتە ئەگەرێ‌‌ وەریانا پرچێ‌‌ ل سەری و هندەك پشكێن دی یێن لەشی، پتریا جاران زنك ل دەڤ وان كەسان یێ‌‌ كێمە.
• پرسكێن گەنجاتییێ‌: ل دووڤ هندەك بابەتێن كو ل كوڤارا Dematology Reserarch and Practics هاتینە بەلافكرن، دەمێ‌ كێماتی د زنكی دا هەبیت دبیتە ئەگەرێ‌‌ پرسكان و لیرێن پیستی.
• زوو خولێكنەدانا برینان: ئێك ژ نیشانێن دیترە كو زنك د لەشیدا یێ‌ كێمە، دەمێ‌‌ برین بو دەمەكیێ‌ درێژ خوە لێكنەدەن.
• ئاریشێن دیتنێ‌: زنك، رۆلەكێ‌‌ گرنگ د پاراستنا دژواریا دیتنێ‌‌ دا دبینیت، هاریكارە بو ڤەگوهاستنا ڤیتامین ئەی ژ جگەریێ‌ بو تورا چاڤی، بو دروستكرنا بویاغێن پاراستنا چاڤی، ل دووڤ ڤێ‌‌ چەندێ‌‌ كێمبوونا وی دبیتە ئەگەرێ‌‌ دیتنەكا خراب.
• تێكچوونا هەستا تامكرنێ‌‌: زنك هاندانا مەژی دكەت بو كونترولكرنا خوارنێ‌‌، ئاستێ‌‌ وی هەكە یێ‌‌ كێم بیت تاما خوارنێ‌‌ نامینیت، ئەڤە پتر ل دەڤ كەسێن دانعەمر یا بەربەلاڤە.

کۆمێنتا تە