پێنـج چـارەسـەری بۆ رەقبوونا زکـی
ڕەقبوونا زکی ژ ئەنجامێ کۆمڤەبوونا غازاتا د مەعیدێ دا و نەشیانا خۆقورتالکرنێ ژ پیساتیێ مایە ب رووڤیکان ڤە پەیدادبیت، دبیتە ئەگەرێ وەرمینێ و تێکچوونێن زکی.
د ڤان چەند رێزان دا دێ چەند شیرەتان ئاراستەی وەکەین کو کێمتری بیست دەقیقادا ڕەقبوونا زکی چارەسەرببیت.
-1 رێڤەچوون: ڕێڤەچوونێ گرنگیەکا مەزن هەیە بۆ وان کەسێن رەقبوونا زکی هەبیت، چونکو هاریکاریا وان دکەت بۆ دەرئێخستنا غازاتا و باشکرنا بزاڤا رووڤیکان و نەهێلانا قەبزبوونێ.
-2 خوارنا نیڤشکی: نیڤشک رۆلەکێ مەزن د چارەسەرکرنا ڕەقـبوونا زکیدا دبینیت، ئەگەرێ وێ ڤەدگەریت بۆ پێکهاتێن وی ژ ماددێ بروبیوتیک، ئەوێ هاریکاریێ دکەت د دوبارە هەڤسەنگیا بەکتریایێ بۆ مەعیدێ.
-3 ڤەخوارنا نەعنایێ: ڤەخوارنا نەعنایێ هاریکارە بۆ ئارامکرنا زەڤلەکێن مەعیدێ و رووڤیکان، هاریکارە بو دەرکرنا غازاتا و باشکرنا بزاڤا دەستئاڤێ، بەلێ هەکە تە بەرسۆژ هەبیت نەعنایێ ب کارنەئینە، چونکو دێ زێدەتر لێکەت.
-4 زەیتا خروەع: تو دشێی خۆ ژڕەقبوونا زکی قورتال بکەی، ب زێدەکرنا کەوچکەکێ زەیتا خروەع ل سەر ئاڤێ یان چایێ یان عەسیری، چونکو هاریکاریێ دکەت بۆ چارەسەرکرنا قەبزبوونێ و دەرکرنا غازانا و کێمکرنا وەرمینا زکی.
-5 سیمیسیکون: ل دەرمانخانا هندەک حەب هەنە دبێژنێ سیمیسیکون، کو د بەرنیاسن ب چارەسەرکرنا غازاتا، بەلێ باشترە ل دویڤ شیرەتێن نۆشداری بهێنە ب کارئینان.
