پێنچ وەرزە ئارتینا نەشیاییە سۆزا خوە ب جهبینیت
هەر ژ دەستپێكا وەرزێ وی یێ ئێكێ ئەوا ل 2019-2020ێ ڕاهێنەرێ یانەیا ئارسنال یێ ئسپانی میشێل ئارتینا گوهۆڕینێن مەزن ئێخستینە دناڤ تیما خوە یا فوتبۆلێ دا تایبەت لایەنێ تەكتیكی و هونەری، لێ ئەو سۆزا ل دەستپێكا هاتنا خوە دایی هێشتا نە گەهشتیێ ئەوژی ب دەستڤە ئینانا چامپیۆنز لیگایە.
ل دووڤ رۆژنامەیا میرۆر هاتییە كو ئارتینا سۆزا ب دەستڤە ئینانا چامپیۆنز دابوو جەماوەرێ یانەیێ، نەخشە ڕێكەك بۆ تیما خوە دانبوو كو هەتا نوكە نێزیكی 792 ملیۆن یۆرۆ ل سەرئینانا یاریزانان مەزاختییە، ئەو تەكتیكا د وەرزێ ئێكێ دا كار پێكری بوویە هەتا وەرزێ ئەڤ سالە ژی بەردەوامبوو لەوما ژی بۆ هیچ ڕاهێنەرەكێ دی یا سەیر نەبوو.
هەر رۆژنامەیێ دا هاتییە كو ئارتینا ل سەر سۆزا خوە ماییە و دووماهی داخویانییا خوە دا گۆتییە: مە تیمەكا ب هێز یا هەیی سال بۆ سالێ ئەم یێن نێزیكی ئارمانجا خوە یا مەزن دبین و ل سەر سۆزا خوە بەردەوامم و چاڤەڕێ وەرزێ بهێت یێ ئاگرین بن.
