پێنچ یاریزانێن ڕه‌ڤه‌ندا كورد بۆ هه‌لبژارتیێ ئیراقێ هاتینه داخوازكرن
ئه‌ڤرۆ،
راهێنه‌رێ هه‌لبژارتیێ لاوێن ئیراقێ یێ ته‌پا پێی عیماد محه‌مه‌د پێنچ یاریزانێن ڕه‌ڤه‌ندا كورد ژ خه‌لكێ هه‌رێما كوردستانێ ئه‌وێن ل وه‌لاتێ ئورۆپا داخوازكرینه د ناڤ پێكهاتیێ تیما ئیراقی دا ژبۆ خوه به‌رهه‌ڤكرن بۆ قاره‌مانیا رۆژئاڤا ئاسیا ئه‌وا چاڤه‌ڕێ یه هه‌ڤڕكیێن وێ هه‌ولێرا پایته‌خت ژ 21 هه‌تا 30 چڕیا دویێ یا بهێت مێڤانداریا وێ بكه‌ت.
لدویڤ لیستا هاتیه به‌لاڤكرن ژلایێ ئێكه‌تیا ته‌پا پێی یا ئیراقێ پێنچ یاریزانێن ڕه‌ڤه‌ندا كورد و خه‌لكێ پارێزگه‌ها دهۆك، هه‌ولێر و سلێمانیێ تێدانه و بڤی ره‌نگی، بلند حه‌سه‌ن ژ یانا گرافشاب یا هۆله‌ندی، رێبه‌ر حسنی ژ یانا دورتمۆند یا ئه‌لمانی، كاردۆ سه‌دیق ژ یانا كریستال پالاس یا ئنگلێزی، شۆان سیروان ژ یانا لاتسیۆ یا ئیتالی، مه‌تین دیار ژ یانا برۆندبی یا دانماركی.
بۆ زانین هه‌تا نوكه شه‌ش هه‌لبژارتیان به‌رهه‌ڤیا خوه بۆ قاره‌مانیێ دیاركرینه، ئه‌وژی، ئیراق، فله‌ستین، به‌حره‌ین، ئیمارات، قه‌ته‌ر، ئوردن،چاڤه‌رێ نڤێسارێن فه‌رمی یێن هه‌لبژارتیێن سعوده‌یه، كویت، ئیران، عومان و سوریا نه ژبۆ دانانا سیسته‌م و رێنومایێن قاره‌مانیێ.
