پێنچ یاریزانێن ڕەڤەندا كوردستانی بۆ هەلبژارتیێ ئیراقێ هاتنە داخوازكرن
ئەنداما فدراسیۆنا فوتبۆلا ئیراقێ رەشا تالب دیار كر ژبۆ ب هێزكرنا رێزێن هەلبژارتیێ ئیراقێ یێ كچان ل سەر ئاستێ پێشكەڤتیان هەشت یاریزانێن ڕەڤەندا كوردستانی و ئیراقێ بۆ ناڤ كەمپێ تیمێ هاتینە داخواز كرن ئەوا نوكە ل پایتەختێ ئیراقێ بەغدا دهێتە كرن، خوە بەرهەڤكرن بۆ قارەمانییا كۆپا رۆژئاڤا ئاسیا و ڤاڤارتنێن كۆپا ئاسیا.
زێدەتر ناڤهاتی گۆت: پشتی كادرێ هەلبژارتیێ ئیراقێ دۆڤچوونا سیڤیێن گەلەك یاریزانان كری ب فەرمی هەشت یاریزان هاتنە داخوازكرن و دنوكە دا گەهشتینە دناڤ ڕێزێن تیمێ دا و پشكدارن د كەمپێ ڕاهێنانێ دا خوە بەرهەڤكرن بۆ دو قارەمانییان، یا ئێكێ قارەمانییا كۆپا رۆژئاڤا ئاسیا ئەوا دێ ل دەستپێكا مەها بهێت وەلاتێ سعۆدیێ مێڤاندارییا وێ كەت، دیسان بۆ ڤاڤارتنێن كۆپا ئاسیا ئەوا دێ بشێوەیێ كۆمان ل ناڤەڕاستا كانوونا دویێ یا سالا 2026ێ هێتە كرن.
رەشا تالب گۆت: هەلبژارتیێ ئیراقێ ب یاریزانێن كچ یێن ڕەڤەندا كوردستانی و ناڤەراست و باشۆرێ ئیراقێ نە ئەوێن ل ئۆرۆپا و وەلاتێن دیتر دژین و پێكهاتینە ژ، یاران كۆمار- سویدێ، مەریەم ئارام- ئەمریكا، رۆنیا موشتاق- سوید، میرنا هێرش- سوید، رۆنیا رێبوار- سوید، مایا نورەدین- سوید، ئیسرا سەعەد- ئەلمانیا و لییا زەید- ئوردن، هەروەسان چەندین یاریزانێ، دیتر هەنە لێ ژبەر هەبوونا چەند ئاستەنگان كو دەلیڤە بۆ یاریزانان پەیدا نەكر بەرهەڤبن، لێ مە قارەمانیێن هەین و دێ ئەو ژی هێنە دناڤ ڕێزێن تیمێ دا.
هەروەسان ناڤهاتی گۆت: هەبوونا هژمارەكا باش یا یاریزانێن كچ ڕەڤەند ژ دەرڤە نیشانێ هەبوونا حەز و شیانێن وەرزشێ یە ل دەڤ كچان، داخوازكرنا وان ژی بۆ وێ یەكێ یە كو ئەو ژی پشكەكن ژ وەلاتێ خوە و دلسۆزییا وەلاتێ خوە بكەن، گەشبینن داخوازكرنا وان دێ هێزەكا مەزن دەتە هەلبژارتیێ مە و باشترین ئاست و ئەنجام دێ مە هەبن.
