پێنڤیسێ خوە نەفرۆتە كۆمپانیەكێ
ئەڤرۆ
سولین سلێمان:
هەلبەستڤان و مەدیاكار (نەوژین سۆران) د دیدارەكێ دا بۆ رۆژناما ئەڤرۆ دیاركر كو ئەو دەرچوویێ پەیمانگەها هونەرێن جوانە ل پارێزگەها سلێمانیێ، لێ ئەڤە چەند سالن ل هەولێرا پایتەخت دژیت.
ناڤهاتی گۆت: ل سالا 2004 من دەست ب نڤیسینا هەلبەستان كر، لێ پشتی هەشت سالان ژنوو دەست ب بەلاڤكرنا وان كر، هندەك ل رۆژنامە و گۆڤاران، هندەك ژی ل سۆشیالێ مەدیایێ بەلاڤكرن، نوكە من سێ پرتووكێن چاپكری ب ناڤێن (تەم و تۆ، مەلكەمۆت، عەشقی من و تۆ) و نوكە ژی مژوولی چاپكرنا پرتووكەكا نوومە، هەروەسامن چار ئەلبۆمێن سیدیان هەنە، ل هەولێر و سلێمانیێ و سۆران و راپەرین پشكداری د چەند كۆڕێن هەلبەستحواندنێ دا كریە و سۆشیال مەدیا گەلەكا هاریكارە بۆ بەلاڤكرنا بەرهەمێن ئەدەبی، بۆ زانین دەمێ من پەرتووكا (تەم و تۆ) د چالاكیەكێ دا ئیمزاكری كۆمپانیەكێ داخواز ژمن كر ئەو پێنڤیسێ من ئیمزا پێ كرین بفرۆشمە وان، لێ ئەز رازی نەبووم و من نەفرۆتێ.
