پێنگاڤا ئێكێ یا كچێن دهۆك و زاخۆ یا سەركەفتی بوو
قەیس وەیس:
هەردو یانەیێن ئافرەتێن دهۆك و زاخۆ پێنگاڤا ئێكێ بۆ یارییا دووماهییا خولا فوتسالا كوردستانێ ب سەركەفتیانە هاڤێت پشتی د یاریێن خوە یێن ئێكێ یێن چوونێ دا ب سەركەفتین ل سەر مێڤانێن خوە كچێن سیروانی حەلەبجە و سۆران، د یاریێن واندا ئەوا ل ئەینییا بۆری ژ چارچووڤەیێ قۆناغا چارگۆشەیا زێرین هاتینە كرن.
ل هۆلا گرتییا چالاكیێن وەرزشی تیما ئافرەتێن دهۆك ب چار گۆلێن پاقژ سەركەڤتن ل سەر مێڤانا خوە سیروانی حەلبجە ئینا، گۆلێن دهۆكێ ژ لایێ شۆخان نورەددین سێ گۆل و دەلال تالب گۆلەك،ژلایێ خوە تیما كچێن یانەیا زاخۆ سەركەفتنەكا باش ب سێ گۆلان بەرانبەر گۆلەكێ ل سەر مێڤانا خوە تیما كچێن یانەیا سۆران ئینا، د یارییا واندا ئەوا ل ئەینییا بۆری ل هۆلا زانكۆیا زاخۆ هاتیە كرن.
بۆ زانین ئافرەتێن دهۆكێ دەربازبیتە چارگۆشەیا زێرین پشتی ب شەش سەركەفتنێن ل دووڤ ئێك و چو خوسارەتی و وەكهەڤی نەداینە، ب كۆمكرنا 18 خالان سەرێ لیستەیا كۆما ئێكێ هات، كچێن خابووری ژی وەكو قارەمانا كۆما دویێ دەربازبوو چارگۆشەیا زێرین پشتی ب كۆمكرنا 12 خالان سەرێ لیستێ هاتی ژ سێ سەركەفتن و سێ وەكهەڤییان.
