پێگههێ ههرێمێ پشتى رزگاركرنا مووسل!
ئهگهر ئهم ب هوورى تهماشهی بارودوخێ ههرێمێ بكهین و ئهو كاودان و ئالۆزیێن تێدا دبۆریت دێ دیار بیت كو ژ گهلهك لاڤه وهكى وى بارودوخی یه یێ سالا 2003یێ بهرى رۆخیانا رژێما بهعس و ل دهمێ رزگاركرنا مووسل! ههر ل وى دهمى كێشه و گرفتێن سیاسى د ناڤبهرا پارتێن ههرێمێ دا ههبوون و دابرینهك د ناڤبهرا ههولێر و سلێمانیێ دا دروست ببوو و گڤاشتنێن دهرهكى و ناڤخۆیى ل سهر سهركردایهتیا سیاسى یا كوردى دزۆر بوون و گهف ژ ههمى لاڤه دهاتنه كرن، بهلێ ههر پێشمهرگه بوو هاری سهربازێن ئهمریكى كری و د شهرێ مووسلێ پشكدار بووى! ئهڤه زێدهبارى بارودوخێ ئابوورى یێ خراب ل وى دهمى!.
پشتى رزگاركرنا مووسل و رۆخیانا رژێما بهعس، كورد ب هێز چوونه بهغدا و بوونه فاكتهرێ سهرهكى كو دهستوورهكێ نوو بۆ عیراقێ هاته دانان و سیستهمێ فیدرالى تێدا هاته چهسپاندن و دهڤهرێن كوردستانى یێن دهرڤهی ههرێما كوردستانێ ب رێیا دهستوورى نهخشهچاره بۆ هاتنه دارێتن و دیار كرن و پێشمهرگه وهك پاسهوانێن ههرێمێ د چارچوڤێ لهشكرێ عیراقێ دا هاته پێناسهكرن و رێژا 17% وهك پشكا كوردان ژ بودجا عیراقێ بۆ ههرێمێ هاته دیاركرن و زۆر دهستكهفتێن دى! و ئهڤ چهنده بوویه ئهگهر كو گرفتێن ناڤخۆ تا رادهكێ مهزن چارهسهر ببن و پارتى و ئێكهتیێ رێكهفتنا سترتیجى ئیمزا كر و ئهو دابرین ب دووماهیك ئینا!.
بهلێ حكوومهتا عیراقێ ب هێجهتێن جودا جودا و ههر جار ب رهنگهكى خوه ژ بجهئینانا دهستوورى و رێكهفتنان ڤهدزى و دهست هاڤێته دروستكرنا كێشا و بهردهوام كێشه و گرفت بۆ ههرێمێ دروستكرن ب ههمى رهنگا تا گههشتیه وێ رادهیێ مالكى سالا 2008 گهفێن لهشكركێشیێ ل كوردان بكهت و د دووڤ دا پهیوهندیێن ههرێمێ و بهغدا رۆژ بۆ رۆژ بهرهف ئالۆزیان چوون و گهلهك توندتر لێهاتن پشتى ههرێمێ سهربخۆ وهبهرهێنان د كهرتێ نهفت و غازێ دا كرى و بۆرى بۆ بهندهرێ جیهانێ راكێشایى، چونكى سهركردایهتیا كوردى باش دزانى كو سهرێن بهغدا د ههر بودجا كوردستانێ دا برن و ب ههر هێجهتهكێ بیت ئهو بوو ل دهسپێكا سالا 2014 بودجه و مووچێن ههرێمێ ژ لایێ بهغدا ڤه هاتنه بڕین!.
دوژمنێن دۆزا كوردى ب هاریكاریا بهغدا ههمى پێكول كرن كوردان تووشى قهیرانان بكهن و ب شهرهكى ڤه بكهن، ئهڤجا ئهڤ شهره ناڤخۆیى بیت یان دهرهكى بیت، بهلێ پشتى نهشیاین چ شهرا دروست بكهن شیان ناڤخۆیا كوردستانێ تێك بدهن و دووباره ههولێر و سلێمانى ژ ئێك دوور كرن و گرفتێن سیاسى یێن مهزن پهیداكرن! و پاشى رێكخستنهكا وهكى داعش دروست كر و پارێزگههێن وهكى مووسل و سهلاحهدین و ئهنبار و دیالا كو زۆربهیا وان عهرهبێن سونه نشینن بدهست ڤێ رێكخراوا تیرۆرستى ڤه بهردان و جبهخانێن مهزن یێن چهكى و تهقهمهنیا بۆ هێلان و پشتى دهڤهرێن سونا ب تمامى هاتینه وێرانكرن بهرێ ڤان تیرۆرستان دا ههرێمێ و كورد تووشى شهرهكێ نهچاڤهرێكرى كرن و زیانێن مهزن گههاندنه كوردان و ههرێم تووشى شلهژان و قهیرانێن مهزن بوو و كورد گههشت بوونه لێوارێ ژ ناڤچوونێ!.
لێ یا كهسێ چاڤهرێ نهكرى هاتنا ئهمریكا بوو و ب ههمى هێزا خوهڤه بۆ شهرێ داعش و پشتهڤانیكرنا كوردان و دروستكرنا ههڤپهیمانیهكێ دژى داعش و د دووڤ دا ههڤسهنگیا شهرى هاته گوهارتن و پێشمهرگهی دهست ب هێرشا كر ب هاریكاریا فرۆكێن ههڤپهیمانا و شیان داعشێ ژ زۆربهیا دهڤهرێن كوردستانى رامالن و دووباره دهڤهرێن كوردستانى یێن دهرڤهی ئیدارا ههرێمێ كونترۆل بكهن و نوكه پێشمهرگه و لهشكرێ عیراقێ ل دویف رێكهفتنهكێ دهست ب رزگاركرنا مووسل كریه و ژ ههمى لاڤه دهڤهرێن گرنگ و فراوان ژ داعش ستاندینه و پاقژ كرینه! و ڤى شهرى نه حهشدا شیعى كو ئیرانێ كونترۆلا تمام ل سهر ههیه و نه توركیا نهشیان پشكداری شهرى ببن و تووشى گرفت و كێشا بوون و ماینه بێ ههلویست!.
لهورا پشتى رزگاركرنا مووسل دێ پێگههێ كوردان زۆر ب هێز كهڤیت و كێشێن د ناڤبهرا ههولێرێ و سلێمانیێ دا دێ چارهبن و دووباره كۆمپانیێن مهزنێن جیهانى دێ ڤهگهرنه ههرێمێ بۆ وهبهرهێنانێ و ههرێم دێ بیته دهرگههێ ئاڤاكرنا دهڤهرێن عهرهبێن سونه! و سهركردایهتیا كوردى ئێدى ناچیته بهغدا بۆ چارهكرنا كێشا بودجێ و مووچا و مادێ 140 ژ دهستوورى، بهلكو دێ بۆ سهربخۆیێ چیت، چونكه بهغدایهكا لاواز دێ ب سهناهیتر ریكهفتن ل سهر ڤى بابهتى دگهل ئێته كرن و د ههمان دهم دا ب ڤى پێگههێ ب هێز دێ ل تههران و ئهنقهره بهحسێ سهربخۆیێ كهین و دێ ئهڤ وهلاته نهچار بن رێكهفتنا دگهل كوردان ئیمزا بكهن بۆ بدهستڤهئینانا هندهك بهرژهوهندیان و ب ڤى رهنگى دێ دۆزا كوردى قووناغهكا زۆر مهترسیدار دهرباز كهت و بهربهستا ههری مهزن یا سهربخۆیى شكێنیت!.
ئهڤ چهندهیه دوژمنێن دۆزا كوردى تووشى هستێریاى كرین و نهشێن چ بكهن ب تنێ ئهو نهبیت كو گهفێن بێ بنهما بكهن و داخویانیێن دژى ئێك بدهن بێى كو بشێن تشتهكى ژ بارودوخى بگهۆرن، لهورا ههر ژ نوكه ب ههمى رهنگا یێ پیلانا دگێرن و ههر یێ شكهستنێ دئینن و ههر دێ شكێن!.
