پەرتووكا (ئەڤراز نادەمە ب نشیڤ) هاتە بەلاڤكرن
شاكر ئەتروشی:
رێڤەبەریا گشتی یا رەوشەنبیری و هونەری/دهۆك، رێڤەبەریا چالاكیێن وێژەی، دوهی ئێڤاری 13/4 د چالاكیەكا تایبەت دا كو ل هولا سەنتەرێ پێشمەرگە یێ رەوشەنبیری ل دهۆكێ هاتبوو گێڕان، ئیمزا ل سەر پەرتووكا چارێ یا هەلبەستڤان (حامد نسری) ئەوا ل ژێر ناڤێ (ئەڤراز نادەمە ب نشیڤ) هاتە كرن و هژمارەكا هەلبەستڤان و نڤیسكار و رەوشەنبیرێن دەڤەرێ تێدا بەرهەڤ ببوون.
ل دەستپێكێ هەلبەستڤان (حامد نسری) ب كورتی پەرتووكا خوە دا نیاسین و چەند رۆنكرنەك ل دۆر قوناغ و ئاستەنگێن ئەڤ بەرهەمە تێدا دەرباز بووی بەحسكرن، پاشان هەلبەستڤان و مەدیاكار (حەسەن فەتاح) خواندنەك دا وێ پەرتووكێ و چەندەكێ ل دۆر ناڤەرۆكا وان هەلبەستان ئاخفت و پەرتووك ب دیاری ل سەر بەرهەڤبوویان هاتە بەلاڤكرن.
پەرتووكا ناڤهاتی ژ (46) هەلبەست و (147) بەرپەران پێك دهێت، كو دناڤبەرا سالا 1987 هەتا 1995 هاتینە نڤیسین، پێشگۆتنا پەرتووكێ ژلایێ (رێكێسش ئامێدی) ڤە هاتیە نڤیسین و (جەمال بەرواری) پێداچوونا زمانی بۆ كریە و دیزاینا بەرگی و ناڤەرۆكێ ژلایێ (ئەڤراز حامد نسری) ڤە هاتیە بجه ئینان.
