پەرتووكا (محەمەد تاهر گوهەرزی … رەوشەنبیرەك دلپاك و خەمخور) هاتە ئیمزاكرن
سندس سالح سلێڤانەیی:
ناڤەندا خانی یا رەوشەنبیری و راگەهاندنێ،/پشكا رەوشەنبیری، دوهی ئێڤاری 1/7 دچالاكیەكا تایبەت دا ل هولا سەنتەرێ پێشمەرگە ل دهۆكێ، ئیمزا ل سەر پەتووكا (محەمەد تاهر گوهەرزی … رەوشەنبیرەك دلپاك و خەمخور) كو ژ كۆمكرن و بەرهەڤكرنا (سەلوا محەمەد نهێلی) یە، هاتە كرن و پشتی دانەنیاسینا پەرتووكێ ژلایێ بەرهەڤكەرا وێ ڤە ب دیاری ل سەر بەرهەڤبوویان هاتە بەلاڤكرن.
پەرتووكا ناڤهاتی، ژ وەشانێن پشكا رەوشەنبیری یە ل ناڤەندا خانی یا رەوشەنبیری و راگەهاندنێ ل دهۆكێ، پەرتووكا هژمارە (80) یە، ژیاننامە و بەرهەمێن نڤیسكاری تێدا هاتینە بەلاڤكرن، ژ چار پشكان پێك دهێت، رۆل و ساخلەت و ژیان و سەربۆڕا وی یا سیاسی و پەروەردەیی و رەوشەنبیری، نڤیسەر و رۆژنامەڤان (ئیسماعیل بادی) ب كارێ پێداچوون و راستڤەكرنا پەرتووكێ رابوویە. هەر دوێ چالاكیێ دا پەیڤا ناڤەندا خانی ژلایێ بەرێز (موسەدەق تۆڤی) ڤە هاتە خواندن و (د. رەشید فندی) ژی چەند بیرهاتنێن خوە ل گەل (گوهەرزی) ڤەگێڕان.
