پەرتووكەكا مامۆستایەكێ زانكۆیا زاخۆ بۆ هەشت زمانان هاتیە وەرگێڕان
دلۆڤان هالۆ:
د. نزار عسمەت، ماموستایێ پشكا درەروناسی ل زانكۆیا زاخۆ، د دیدارەكێ دا بۆ رۆژنامەیا ئەڤرۆ گۆت: پەرتووكا من كو د بنیاتدا ڤەكولینەكا من بوو ل دۆر ئازارێن پەنابەران و رێكارێن چارەسەریی ژلایێ دەروونی ڤە ل پارێزگەها دهۆكێ و ل سنۆرێ ئیدارەیا سەربەخۆیا زاخۆ، ئەڤ پەرتووكە ب زمانێ ئنگلیزی هاتبوو نڤیسین و ژ وەشانێن دەزگەهەكێ (ئەلمانی) بوو، هەر ژلایێ كۆمپانیەكا ئەلمانی ڤە هاتیە وەرگێڕان بو سەر هەشت زمانێن جیهانی و ئەڤە ژی جهێ خۆشحالیێ یە، چنكو ب هەشت زمانان خەلكێ جیهانی دێ پتر ئاگەهداری ئێش و ئازارێن پەنابەران و بەلكو ئەڤ چەندە ببیتە دەرگەهەك كو وەلاتێن جیهانی پتر خوە ل پەنابەران بكەنە خودان و هاریكاریێن زێدەتر پێشكێشی وان بكەن.
