پەرتووکا دۆزەخا داعش بەلاڤکر
ئه‌ڤرۆ نيوز: باسم قاسم شنگالی:
ئەڤرۆ رێكخراوا رۆژا شنگال بۆ مافێ مرۆڤی، پەرتووكا دووێ بناڤێ(دۆزەخا داعش) یا نڤیسكار “حسێن حاجی ئۆسمان” دەرێخست.
بەختیار قادر بەرپرسی رێکخراوا رۆژا شنگال بۆ مافێ مرۆڤی بۆ ئەڤرۆ دیارکر، ئەڤ پەرتووك دەربرینێ ژ چیرۆكا سێ كچێن رزگاربوویێن ئێزدی ژ دەستێ داعش دكەت،ئەو ژی(خۆخێ خەلەف غەریب،رەنا خدر متۆ،سیڤان مەهدی)،ئەڤ پەرتۆك ژ 134لاپەران پێك دئێت.
دا زانین،ئەڤە پەرتۆكا دووێ یە رێكخراوا رۆژا شنگال بۆ مافێ مرۆڤی دەردئێخت بۆ دكیۆمێنتكرنا ئازار و دەردەسەریێن رزگاربوویێن ئێزدی تێدا ژیاین لسەر دەستێ دەولەتا ئیسلامی(داعش)،كو رێكخراوێ ل داویا سالا 2017ێ پەرتووكا ئێكێ(لەیلا و شەڤێن ب ئازار) یا نڤیسكار و ڤەكۆلەر خالد تەعلۆ دەرێخست بوو.
ل داویێ گۆت ،رێكخراو كار لسەر رێكخستنا ئاهەنگا ئیمزاكرن و بەلاڤكرنا پەرتۆكێ ل رۆژێن داهاتی ل هەولێرا پایتەخت دكەت.
