پەرلەمانتارێن باکۆر پشتەڤانیا ریفراندۆمێ دکەن
ئەڤرۆ نیۆز،زنار تۆڤی:
پەرلەمانتارێن باکۆرێ کوردستانێ یێن د پەرلەمانی تورکیا دا کەمپینەک ژبۆ پشتەڤانیا رێفراندۆما سەرخوەبوونا ھەرێما کوردستانێ دەستپێکریە و نوکەژی یا بەردەوامە،دیسا وان پەرلەمانتاران نامەیەک بۆ سەرۆکاتیا پەرلەمانێ تورکیا ژی ھنارتیە.
د وێ کەمپینێ دا پەرلەمانتارێن باکۆر پشتەڤانیا خوە بۆ رێفراندۆما سەرخوەبوونا ھەرێمێ راگەهاندیه و د نامەیا خوە دا ئاشکرا کریە،کو ھەرێما کوردستانێ ژبەر سیاسەتێن بەغدا ھەمبەری ھەرێمێ نەچار بوویە بریارا رێفراندۆمێ بدەت.
هەروەسا پەرلەمانتارێن کورد د نامەیا خوە دا دیار ژی کرییە،کو حوکمەتا بەغدا پێگری وی دەستووری نەبوو یێ کو ل سالا 2005 هاتیە دارێژتن و بەندێن وێ ب جھـ نەئیناینە،لەورا ئەڤ چەندە ژی بوویە ئەگەر کو پێکڤەژیان ل عێراقێ نەبیت و ریفراندۆم ل سەر تورکیا و دەڤەرێ ترس نینە، بەلکو دێ بیتە ئەگەر کو پەیوەندیێن ھەردو وەلاتێن جیران باشتر و ب ھێزتر بن.
