پەرلەمانتارەک : بۆ زاخۆ دێ ڤان حەفت کاران کەین
ئەڤرۆ نیوز ، عەلی حاجی :
د داخویاینەکێ دا ئەندامێ پەرلەمانێ کوردستانێ بۆ ئەڤرۆ نیوز دیارکر پشتی مە کومبوونەک دگەل سەرۆکێ باژێرڤانیا زاخۆ ئەنجام دایی ئەم گەھشتنە وێ چەندێ ب رژدی کار ل سەر ٧ خالان بکەین کو گەلەک پێدڤی نە وەکو دەست پێک بۆ باژێرێ زاخۆ بھێنە ئەنجام دان.
زێدەتر چیا حەمید گۆت: د ڤێ کومبوونێ دا بەحس ل ھند کارێن گرنگ دا ھاتیە کرن کو ژ وانا ( بەلاڤکرنا پارچێن عەردی، گورستانا زاخۆ، چێکرنا ئاڤرێژێن ، کێشەیا ئێکلاکرنا ئەردان، زێدەکرنا بودجەیا باژێرڤانیا زاخۆ، بەفرەھکرنا دەوروبەرێن پرا دەلال و رێڤەبەریا پلاندانان ئاڤەدانی ) ھەتا نوکە نەھاتینە چارەسەر کرن و کار ل سەر چارەسەرکرنا وان بکەین، مە داخاز ژ سەروکێ باژێرڤانیا زاخۆ کری یە ب رێکا راپورتەکێ ئەگەرێن نەچارەسەر کرنا ڤان بابەتان بۆ مە بەحس بکەت داکو وەکو ئەندامێن پەرلەمانێ کوردستانێ ل زاخۆ ب رژدی کار ل سەر ڤان بابەتان بکەین.
ناڤھاتی ئەو چەندە ژی گۆت: دێ زێدەتر کار ل سەر بەلاڤکرنا پارچە زەڤیان کەین ژ بەرکو ھندەک کەسان ژ سالا ٢٠١١ مافێ وەرگرتنا پارچە زەڤیان ھەبو لێ ھەتا نوکە سودمەند نەبوینە و ھەر دیسان ژی بابەتێ رێک و پران ل زاخۆ ژی دێ دووڤچوونێ ل سەر دکەین ، ژ لایەکێ دیڤە ژی ماوەیەکێ درێژە بریار ل سەر ڤەکرنا رێڤەبەیا پلاندان و ئاڤەدانکرنێ ل زاخۆ ھاتیە دا لێ ھەتا نوکە نەھاتیە ئەکتیڤ کرن ، لەورا دێ کار بو وێ چەندێ کەین ل نێزیکترین دەم دا ئەو رێڤەبەری ل زاخۆ بھێتە ڤەکرن.
