پەرلەمانتارەک: دانا ٧٥ ملیۆن دیناران دێ ھەرێمێ ژی ڤەگریت
ئەڤرۆنیۆز، سالار دۆسکی:
ئەندامەکێ لژنا دارایی ل پەرلەمانێ عیراقێ دیار کر کو ئەڤرۆ شەمبی رێککەفتی ١٥/١٢/٢٠١٨ بەنکا رافیدین یا عیراقێ مەرجێن دانا قەرزێن ٧٥ ملیۆنی بەلاڤکرن و دیار کر کو سالا نوو دێ دەست ب بەلاڤەکرنا پێشینەیا ٧٥ ملیۆن دیناران ھێتەکرن، ھەموو خەلکێ عیراقێ بێ جوداھی دێ مفادار بیت.
د. ئەحمەد سەفار ئەندامێ لیژنا دارایی و ئابووری ل پەرلەمانێ عیراقێ بۆ ئەڤرۆ نیۆز دیار کر کو ئارمانج ژ دانا قەرزێ ٧٥ ملیۆن دینار ئەوە کێشا ئاکنجیبوونێ بھێتە چارەسەکرن و باژێرێن نوو و پێشککەفتی ل پارێزگەھان بھێنە ئاڤاکرن.
سەفاری ئەو یەک ژی گۆت: ل دووڤ مەرجان دڤێت کەسێ داخازا وەرگرتنا پێشینەیێ دکەت خەلکێ عیراقێ بیت، ژیێ وی ژ ١٨ سالان کێمتر نەبیت، عەرد ل سەر ناڤێ وی بیت یێ پێشکێش دکەت ماوێ ١٥ سالان دا وی پارەی بۆ حوکمەتێ ڤەگەرینیت، پێدڤی ب ھەبوونا کەفیلەکی یە کو یێ دامەزراندی بیت ل فەرمانگەھەکا حوکمەتێ، دڤێت پرۆژە یێ نوو بیت نابیت یێ کەڤن بیت و دەست ب نووژەنکرنێ بھێتەکرن.
ناڤبری ئەو ژی دیارکر کو ل گۆر بانکا رافیدین ھەموو فەرمانبەر و خانەنشین دشێن مفایی ژ ڤی قەرزی وەربگرن، ژڤانە سەرێ سالا نوو رێککەفتی ١/١/٢٠١٩ ئەڤ بریارە بکەڤیتە دبیاڤێ جێبەجێکرنێ دا.