پەرلەمانتارەک: دێ گوهۆڕینێن مەزن ل تورکیا روو دەن
گالیب ئەنساری ئۆغلۆ پەرلەمانتارێ ئاکپارتیێ یێ ئامەدێ راگەهاند، هەلبژارتنێن ڤێجارێ یێ باژێرڤانیان ل تورکیا گەلەک گرنگن، هەر ژ نها ڤە نیشانێن گەلەک گوهۆڕینان دیار بووینە، پشتی هەلبژارتنان دێ گەلەک گوهۆڕینێن مەزن ل تورکیا روو دەن، ئەڤ هەلبژارتنە دێ بنە ئەگەرێ هندێ سەرۆکێ گشتی یێ پارتا کۆماری هێتە گوهۆڕین، د ناڤ پارتا دەم دا دێ گوهۆڕینێن مەزن روو دەن، هەروەسا پارتا (ئی) کو پارتەکا نەتەوەپەرستە دێ تووشی مەزنترین شکەست بیت و دێ ژناڤ چیت.
ناڤهاتی ئەو یەک ژی دیار کریە، ئاکپارتی دێ پێگەهێ خوە یێ جاران پارێزیت و رەنگە بهێزتر ژی بیت، چونکی ژ بلی ئاکپارتیێ چو هێزێن دی ل تورکیا نەشێن خزمەتا خەلکی بکەن، د رەوشا نها دا ژ بلی ئاکپارتیێ چو هێزێن دی خوەدان پرۆژێن خزمەتگوزاریێ نینن، ژ بەر ڤێ یەکێ ژی هەلبژارتنێن ڤێجارێ گەلەک گرنگن و دێ بنە ئەگەرێ گەلەک گوهۆڕینان، دڤێت ئاکپارتی هەر ژ نها ڤە بەرهەڤیان بۆ هەر گوهۆڕینەکێ ل تورکیا بکەت، چونکی چاڤێ خەلکی ل ئاکپارتیێ یە.
