پەرلەمانتارەک: ڤالاهیەکا مەزن یا ئەمنی د ناڤبەرا پێشمەرگەی و هێزێن عیراقێ دا هەیە
ئەڤرۆ نیوز:
ناسر هەرکی ئەندامێ لیژنا ناڤخوە و بەرگیری ل پەرلەمانێ عیراقێ راگەهاند کو ڤالاهیەکا مەزن یا ئەمنی د ناڤبەرا پێشمەرگەی و هێزێن عیراقێ دا هەیە و نها هەر ئالۆزیەک ل وان دەڤەران روو بدەت بەرپرسیاریا وێ دێ کەڤیتە ستویێ لەشکرێ عیراقێ.
ناڤهاتی دیار ژی کر کو دەمەکە تیرۆرستێن داعشێ ل دەڤەرێن کوردستانی یێن دەرڤەی ئیدارا هەرێما کوردستانێ دەست ب چالاکیان کرینە و دشێن مەترسیێن مەزن بۆ خەلکی دروست بکەن، ژ بەر هندێ ژی نها بەرپرسیاریا هەر ئالۆزیەکێ دکەڤیتە ستویێ هێزێن عیراقێ و گۆت: (ژ بەر کو بەری نها چەندین کۆمبوون د ناڤبەرا هێزێن پێشمەرگەی و لەشکرێ عیراقێ دا برێڤە چوون و پێشمەرگێن کوردستانێ بەرهەڤیا خوە بۆ پاراستنا وان دەڤەران دیار کرن لێ ژ ئالیێ هێزێن عیراقێ ڤە گرنگی پێ نەهاتە دان).
