پەرلەمانێ عیراقێ نەشیا دو وەزارەتێن گرنگ ئێکلا بکەت
ئەڤرۆ نیوز:
کۆمبوونا پەرلەمانێ عیراقێ هەتا نها ژی یا بەردەوامە و پەرلەمانێ عیراقێ نەشیایە ژ بەر ناکۆکیێن ئالیێن سیاسی هەتا نها هەر دو پۆستێن گرنگ یێن وەزارەتێن ناڤخوە و بەرگیریێ ئێکلا بکەت، هەروەسا گەلەک ئەندامێن پەرلەمانێ عیراقێ ژی بەر دەمەکێ هۆلا پەرلەمانی بجه هێلان.
ل ئالیێ پەرلەمانێ عیراقێ ب دەنگێ پرانیا ئەندامان ل سەرجەمێ ٢٦١ پەرلەمانتارێن پشکدار د کۆمبوونێ دا شیان باوەریێ بدەنە چەند وەزیران کو ئەڤ ژی ئەڤن:
عەبدولئەمیر حەمدانی بۆ پۆستێ وەزارەتا رەوشەنبیری، قوسەی سوهێل بۆ وەزارەتا خواندنا بلند و نوری دلێمی بۆ وەزارەتا پلاندانان هاتنە پەسەند کرن.
هەروەسا هەتا نها ژی هەر دو وەزارەتێن بەرگیری و ناڤخوە ل گەل وەزارەتا پەروەردێ، کۆچ و کۆچبەران و داد هەلاوێستی ماینە و ئێکلا نەبووینە، پشتی کو لیستا سائیرون و هندەک ئالیێن دی ئەڤرۆکە هۆلا پەرلەمانی بجه هێلان و رێژا یاسایی تەمام نەبوو.
