پەرلەمان ل دۆر راستڤەكرنا یاسایا هەلبژارتنان دێ كۆم بیت
ئەڤرۆ
پشتی ب دووماهی هاتنا بهێنڤەدانێ، بڕیارە رۆژا چارشەمبی 1/3/2023 پەرلەمانێ كوردستانێ كۆمبوونا خوە یا ئێكێ ئەنجام بدەت و رێڤەبەرێ راگەهاندنا پەرلەمانی ژی دبێژیت: راستڤەكرنا یاسایا هەلبژارتنان ئێك ژ كارێن گرنگێن پەرلەمانی نە.
سامان ئەحمەد، رێڤەبەرێ راگەهاندنا پەرلەمانا كوردستانێ بۆ رۆژناما ئەڤرۆ گۆت: «راستڤەكرنا یاسایا هەلبژارتنان و كاراكرنا كۆمسیۆنێ ژ كارێن هەری گرنگێن ڤێ كۆمبوونێ نە، لێ ئەم چاڤەڕێی رێككەفتنا لایەنێن سیاسینە، داكو ئەم وەكی پەرلەمان بشێین ب ئەركێ خوە رابین».
خویا ژی كر، ژ ئەگەرێ هەبوونا ئاریشەیان د ناڤبەرا لایەنێن سیاسی دا دەمەكێ درێژە پەلەمانێ كوردستانێ چو كۆمبوون ئەنجام نەداینە و گۆت: «سەرۆكاتیا پەرلەمانی بەری رۆژا چارشەمبی دێ كۆمبیت و بەرنامێ كارێ كۆمبوونێ دیار كەت و پەرلەمانتار بۆ كۆمبوونێ دێ هێنە داخواز كرن».
