پەروەر حسێن: هندەک دادڤان دژاتییا یانەیا سێمێلێ دکەن
شاهۆ فەرید:
د داخویانیەکێ دا پەروەر حسێن ئەندامێ یانەیا سێمێلی بۆ رۆژنامەیا ئەڤرۆ دیارکر لڤی وەرزی دا هندەک دادڤانێن خولێ دژاتیا وان دکەن، ژلایەکێ دووڤە فێدراسیونا کوردستانێ چ پێرابوونا بەرانبەر دادڤانان ناکەت، یاریا بۆری بێ هیچ حالەتەکێ دیار یاریزانەکێ مە ب کارتا سۆڕ دوورئێخست، هەتا شارەزایێن دادڤانیێ دگۆتن بریارا خەلەتبوو، دادڤانێ یاریێ بۆ ئەگەرێ ئالوزیان ژبەر بڕیارێن وی، ئەڤ یارییە بۆ ئەگەر هیڤیێن دەربازبوونێ کێمبن چۆنکو بوو مە گەلەکا گرنگ بوو، سێ یاریێن مایێ د هەستیارن دڤێت بسەرکەڤین.
زێدەتر ناڤهاتی گوت ژی: فێدراسیۆنا کوردستانێ دڤێت دۆڤچوونەکا تەسەل ل سەر دادڤانان بکەت، مە مەزاختیەکێ مەزن بۆ فی وەرزی کریە و پلانێن مە دەربازبوونە، ئەوا دژی مە روودایی جهێ قەبوولکرنێ نینە، دڤێت فێدراسیونا دهۆکێ ژی هاریکارییا مە بکەن بۆ دەستنیشانکرنا دادڤانێن دەرڤە، بۆ جارا گەلەکێ یە دادڤانەک بتنێ دهێت یاریێن مە بڕێڤەدبەت و زولمێ دکەت.
هەروەسان پەروەر حسێن گۆت: فدراسیۆن ژ مە دخوازیت گازندا ژ داڤانان نەکەن، لێ چێنابیت باژێرەک ببیتە قوربانی بڕیارێن خەلەت یێن دادڤانی، ئاستێ وانا گەلەکێ لاوازە، ئەگەر کارگێریا یانەیێ مایتێکرن نەکربا دبیت دادڤان سلامەتی ژ یاریگەهی نە دەرکەت با چونکۆ جەماوەرێ مە دلگرن کر و خوە بەرهەڤکرن هێرشێ بکەنە سەر.
