پەشیمانی
زوهێر كۆرەماركی
پەشیمانی، واتە بخەم كەفتن یان هەلگرتنا خەمەكا گران، پشتی زانی كو شاشیەكا كری، دەربڕینەكا سۆزییە كۆ مرۆڤ هەست ب گۆنەهێ بكەت، پشتی كارەك یان كردارەكا خەلەت و شاش كری و ژ نوو پێ حەسیای كو ئەو خەلەتی بوو كری، ڤێجا هەست بشەرمێ دكەت.
پەشێمانی ئاه و حەسرەت هەلكێشانە بۆ تشتەكی یان گۆتنەكا چوویی، یان مرۆڤ كارەكی یان هاریكاریەكێ یان بەخشینەكێ دگەل ئێكی یان ئێكێ بكەت، ئۆ ئەو كەس نە ژهەژی هندێ بیت، ئەگەر مرۆڤی زانی كو مرۆڤی كارەكێ شاش یان گۆتنەكا خەلەت ددەرحەقێ ئێكی دا یان ئێكێ دا یان هەتا دگەل گیانەوەرەكی ژی كری و مرۆڤ پەشیمان بیت و بێژی خۆزی من نەكربا یان ئەو گۆتن نە گۆتبان، ئەڤە نیشا مەزنی و تێگەهشتنا مرۆڤی یە زۆر نۆرمالە ژی هینگی تۆ لێبۆرینێ ژی بخوازی دا مەزنتر لێ بهێی، هەلبەت پەشیمانی دلێ مرۆڤی پاقژ و بژین دكەت و مرۆڤی ددانیتە سەر رێكا راست و دورست، پەشیمانی وەل مرۆڤی دكەت مرۆڤ چ جاران خوە گرێ نەدەت ب قەیدو داڤێن بەرێ ڤە، چ جاران ژی پەشیمان نەبە هەكە رابردویێ تە یێ باش بیت، لێ هەكە یێ خراب بیت ژی ئەڤە بووتە بۆ پەندو سەربۆر دێ هەر مفای ژێ بینی؟ھەكە تۆ جارەكێ یان چەند جارا ژ كارەكێ خۆ یان دیتن و گۆتنەكا پەشێمان ببی،ئەڤە نیشا مەزنی وتێگەهشتنا تەیە و لێگەریانە ل چارەسەریێن دورست و ڤەكرنا دەرگەهەكێ نوویە بۆ دەستپێكەكا نوو.
لەوما گەلەكا گرنگە مرۆڤ وان تشتێن لێ پەشیمان بووی ل پاش خوە بهێلیت و بكەتە بەشەك ژ رابردوی و ئێدی لێ نەزڤڕیت و وانا ژێ فێر ببیت، گەلەك جاران پەشیمانی یا تەحلە و گەلەكا ژی یا شرینە، یا تەحلە مرۆڤ هەست دكەت و دزانیت كو ئەڤ خەلەتیە یاكری د قۆناغەكێ ژ قۆناغێن ژیانا خوە، یا شرینە چونكی بەرهەمێ ل دووماهیێ شرین و خۆش دبیت و مرۆڤی راستە رێدكەت و دبیتە وانەكا بهێزا ژیانێ یە بۆ مرۆڤی.
گەلەك جۆرێن پەشیمانیێ یێن هەین، بۆ نموونە تۆ چووبیەدگەل حزبەكێ یان گرۆپەكی یان رێكخستیێ لایەنەكی بی یان تە بۆ لایەنەكێ تشێن مەزن و گونەه كربن یان تاوان و دزی كربن یان تە مەلاقی كرن یان كارێن كرێت كربن …هتد، ئەگەر تۆ لێ پەشێمان بووی و تۆبە بكەی ئەڤە تە كارەكێ باش كرو تە خەلەتیێن زانین و ئێدی تۆ وان ناكەی و دێ لپشت خوە هێلی و لاپەرەكێ نوو ڤەكەی و دەستپێكەكا نوو دێ دەستپێكەی دێ بیە مرۆڤەكێ مفادار بۆ خوە و بۆ خەلكی و جڤاكی و مللەتی ژی، چونكی كەس نینە خەلەتیان نەكەت، لێ بەردەوامی ل سەر خەلەتیان كارەساتە، لێ ژێ پەشیمان بوون نیعمەتە و گرنگە مرۆڤ ل خوە بزڤڕیت.
