پەقینا بۆمبەكا چاندی ل سەر جاددەیا ئامێدیێ بۆ دێرەلۆكێ زیان گەهاندنە وەلاتیان
ئامێدیێ، مەحمود نهێلی:
ژ ئەنجامێ پەقینا بۆمبەكا چاندی، كو تی ئێن تی تێدابوو ل سەر جاددەیا سەرەكی یا ئامێدیێ بۆ دێرەلۆكێ زیان گەهاندنە ترۆمبێل و مالێن وەلاتیان و مزگەفتا گوندێ مێرستەكێ ژی كەفت.
ل دووڤ وان زانیاریێن ب دەست ئەڤرۆ كەفتین، ئەو بۆمبە ژ لایێ گەریلایێن پەكەكێ ڤە ل سەر رێیا كاروانەكێ سەربازی یێ توركیا هاتبوو دانانان.
ژ ئەنجامێ پەڤینا وێ تی ئێن تییێ ژ بلی كو زیان ب ترۆمبێل و خانیێن وەلاتیان و مزگەفتا گوندێ مێرستەكێ گەهاندینە، هێلا ئنترنێتێ ل هەردو ناوچەداریێن دێرەلۆك و شێلادزێ هاتە بڕین، هەروەسا زیانێن كێم ب كاروانێ ترۆمبێلێن سەربازی یێن لەشكەرێ توركیا گەهاندینە.
هەر دهەمان دەم دا هێزێن ئەولەهیێ گەهشتینە جهێ روودانێ و شیان رەوشێ كونترۆل بكەن، هاتنوچوون ئاسایی بوویە ڤە و دەست ب پاقژكرن و سەخبێركرنا جاددەیێ و هێلا ئنترنێتێ هاتە كرن.
