پەقینا ل ئەنقەرە کریارەکا تیرۆرستی بوو
عەلی یێرلیکایا وەزیرێ ناڤخوە یێ تورکیا راگەهاند، دو تیرۆرستان دخواستن ل نێزیکی پەرلەمانێ تورکیا و بنگەهێ پۆلیسان کریارەکا تیرۆرستی ئەنجام بدەن لێ ئێک ژ وان خوە پەقاند و یێ دی ژی هاتە کوشتن.
وەزیرێ ناڤخوە یێ تورکیا ئەو یەک ژی دیار کر، وان دەست ب ڤەکۆلینان کرینە و پشتی روودان ب تەمامی ئاشکرا بیت دێ بۆ رایا گشتی راستیا بابەتی و ئەنجامێ ڤەکۆلینان ئاشکرا کەن و گۆت: (کریارا ڤێ دووماهیێ ل ئەنقەرە جارەکا دی سەلماند کو تیرۆر مەترسیەکا مەزنە ل سەر تورکیا، تورکیا دێ ب هەموو رەنگەکێ شەرێ تیرۆرێ کەت، مخابن یێن رۆژانە بەحسێ تیرۆرێ و مەترسیێن وێ دکەن د شەڕێ ل دژی تیرۆرێ دا هەتا نها وەکو پێدڤی هاریکاریا تورکیا نەکرینە، لێ تورکیا دێ ب هەموو شیانێن خوە شەرێ تیرۆرێ کەت).
ل ئالیێ دی هەتا دەمێ ئامادەکرنا ڤێ راپۆرتێ چو گرۆپەکێ بەرپرسیاریا خوە ل هەمبەر پەقینا ل ئەنقەرە دیار نەکریە.
