پەكەكێ دو زێرەڤانێن سنووری شەهیدكـرن
چەكدارێن پەكەكێ ل گوندێ شیلانێ ل سنوورێ دەڤەرداریا باتیفا ل رۆژا 24/1/2025 هێرش كرە سەر خالەكا هێزێن زێرەڤانێن سنووری و د هێرشێ دا دو زێرەڤانێن سنووری شەهید بوون و ئێك ژی برینداربوو و بریندار بۆ نەخۆشخانەیا هەوارهاتنێ یا زاخۆ هاتە ڤەگوهاستن.
سەربەست لەزگین، كریاریا تیرۆرستیا پەكەكێ ل گوندێ شیلانێ یا سنوورێ دەڤەرداریا باتیفا شەرمەزار كر، هەروەسا سەرەخشی ل هەردو مالباتێن شەهیدان (مێڤان ناجی میر شەرەف و عەلی رەمەزان ئیسماعیل) كر.
دیسا هەر ل دۆر ڤێ كریارا پەكەكێ وەزارەتا ناڤخۆ یا ئیراقێ بەیاننامەك بەلاڤكر و تێدا ئەڤ كریارا تیرۆرستی یا پەكەكێ شەرمزار كر.
