پەنابەرێن سووریێ دێ پشکداریێ د هەلبژارتنێن تورکیا دا کەن
ئەڤرۆ نیوز، هۆشەنگ تاجر:
سلێمان سویلو وەزیرێ ناڤخوە یێ تورکیا بەری دەمەکێ راگەهاند کو نێزیکی ٥٤ هزار وەلاتیێن سووریێ مافێ دەنگدانێ د هەلبژارتنێن ئەڤسالە یێن باژێرڤانیان دا هەنە و ئەو دشێن بچنە سەر سندوقێن دەنگدانێ و دەنگێ خوە بدەن.
ناڤهاتی ئەو یەک ژی دیار کر کو هەموو وەلاتیێن سووریێ یێن ل تورکیا نەشێن دەنگێ خوە بدەن لێ نێزیکی ٥٤ هزار کەسان مافێ وەلاتیبوونێ ل تورکیا وەرگرتینە و دشێن دەنگێ خوە بدەن.
د ڤێ دەربارێ دا بورهان ئایمەن چاڤدێرێ سیاسی ل تورکیا بۆ ئەڤرۆ نیوز دیار کر کو د هەلبژارتنێن بۆری دا ژی ب هزاران وەلاتیێن سووریێ ل ژێر چاڤدێریا ئەندامێن ئاکپارتیێ پشکداری د هەلبژارتنان دا کرن و دەنگێ خوە دانە ئاکپارتیێ و د هەلبژارتنێن ٣١ ئادارێ یێ باژێرڤانیان دا ژی ئاکپارتی دێ پەنابەرێن سووری وەکو کارتەکا بهێز ل دژی پارتیێن دی بکار ئینیت دا دەنگێ خوە زێدە بکەت.
