پەنەر دێ سترانا (كێچێ) كلیپ كەت
شاكر ئەتروشی:
سترانبێژ (پەنەر وەلید رەشید) د دیدارەكێ دا بۆ رۆژناما ئەڤرۆ گۆت: ئەڤە دەمەكە ئەز یێ خوە بەرهەڤ دكەم بۆ كلیپكرنا سترانەكا فولكلۆری ب ناڤێ (كێچێ) و بەری ڤێ كلیپێ ژی سترانەك ل دۆر پەیوەندیا دلداریا دناڤبەرا كوڕەكی و كچەكی دا چێكربوو، كو ئەو هەردو گەلەك حەزژ هەڤدۆ دكەن و كوڕ دچیت دخوازیت، لێ مالباتا وێ رازی نابن، ژبەركو دكەڤندا جۆرە خوینداریەك دناڤبەرا هەردو مالباتا دا هەبوو.
پەنەری گۆت: حەزژێكرنا من بۆ سترانگۆتنێ بۆ بەری چەندین سالان دزڤریت، لەورا ئەز چوومە پشكا مۆزیكێ ل پەیمانگەها هونەرێن جوان و من ب دووماهی ئینا، بۆ زانین ل وێرێ تایبەتمەندیا من ژەنیارێ قانوونێ بوو، لێ ئەز گیتار و درامسێ ژی دژەنم، هندەك جاران دچمە ئاهەنگ و لایڤ مۆزیكا و هندەك جاران ژی دچمە دەوتان و من دڤێت ئەز پتر وەكو سترانبێژ خزمەتا هونەرێ كوردی بكەم.