پەنەلەکا ئابووری ل زانکویا زاخۆ دێ ھێتە ساز کرن
ئەڤرۆ نیوز ، عەلی حاجی:
بریارە سوباھی روژا سێ شەمبێ رێککەڤتی ٢٦/٢/٢٠١٩ زانکویا زاخۆ کولیژا کارگێری و ئابووری ل ژێر دروشمێ جێبەجێکرنا یاسا بودجەیا عێراقا فیدرال و کارتێکرنا وێ ل سەر ل رەوشا ئابووری ل ھەرێما کوردستانێ، پەنەلەکا تایبەت بۆ ھەژمارەکا پەرلەمانتارێن عێراقێ و کوردستانێ و کەسێن شارەزا ساز بکەت.
پ.ە.د. رەنج محەمەد سەرۆکێ لیژنا پەنەلێ بۆ ئەڤرۆ نیوز گوت: (دێ پەنەلەکا تایبەت بیت و ئارمانجا پەنەلێ ئابووری دێ ھەلسەنگاندن و جێبەجێکرنا یاسا بودجا عێراقا فیدرال یا سالا ٢٠١٩ بیت و ھەر دیسان کارتێکرنا وێ ل سەر ئابوورێ ھەرێما کوردستانێ، د وێ پەنەلێ دا ھەر ئێک ژ دکتور ئەحمەد سەفار سەرۆکێ لژنا دارایی ل پەرلەمانێ عێراقێ و ھێڤیدار ئەحمەد ئەندامێ پەرلەمانێ کوردستانێ و کوردو ئێحسان رێڤەبەرێ گشتیێ رێڤەبەریا وەبەرھێنانێ ل پارێزگەھا دھۆکێ و ئەیاد حەسەن سەرۆکێ لیژنا بازرگانی و پێشەسازی ل پارێزگەھا دھوکێ دێ پشکداری دپەنەلێ دا کەن).
ناڤھاتی ئەو یەک ژی دیار کر پەنەل دێ ژلایێ دکتور رێبەر فەتاح راگرێ کولیژا کارگێری و ئابووری ل زانکویا دھۆکێ ھێتە برێڤەبەرن و نێزیکی ٣٠ کۆمپانیێن مەزن ل پارێزگەھا دھوکێ دێ ئامادەی پەنەلێ بن، د بەرنامەیێ پەنەلی دایە ب شێوەیەکێ بەرفرەە و ب شێوەیەکێ زانستی بەحس ل چاوانیا مفا وەرگرتن ژ بودجەیی بھێتە کرن.
