پەژیکا دەست ژ كاركێشانا ڕاهێنەران ڤەگەڕیا
پشتی بۆرینا پێنج گەڕان و دەست ب هەڤڕكیێن گەڕا شەشێ یا خولا ستێرێن ئیراقێ یا فوتبۆلێ ئێكەم دەستكاركێشانا ڕاهێنەرێ د خولێ دا هاتە ڕاگەهاندن ئەو ژی یێ یانەیا حدود حەیدەر عەبدولئەمیر، پشتی خوسارەتییا تیما وی بەرانبەر كارەبا ب گۆلەكێ كو دبیتە خوسارەتییا شەشێ ل دووڤ ئێك، دیسان بێ خال ل رێزا 20ێ و دووماهیێ دهێت.
د كۆنگرەیەكێ رۆژنامەڤانی دا حەیدەر عەبدولئەمیر گۆت: ئەز بەرپرسێ ئێكێ مە ژ ئەڤان خوسارەتییان، هندەك ئەگەر هەنە د شیان دا نینن ئەز بەردەوامیێ بدەمە كارێ خوە لەوما ژی ڕادگەهینم ئەز دەست ژ كارێ خوە بكێشم و دەلیڤێ بدەمە ڕاهێنەرەكێ دی بەلكو بشێت ئەنجامێن لاواز ب گوهۆڕیت، هێشتا خول گەلەك یا مایی و دێ دەلیڤە هەبیت ئاستێ تیما خوە باش بكەت. ژلایەكێ دووڤە.
بۆ زانین ل وەرزێ بۆری ژ سەرجەمێ 20 ڕاهێنەران 15 ژ وانا دەست ژ كارێ خوە كێشا بوو یان هاتبوونە دوورئێخستن، ژ بەر ئەنجامێن نە چاڤەڕێ كری، هەتا نوكە تیما حدوود دگەل هەر ئێك مینا، تەلەبە، ئەلكەرمە، شورتە، نەفت و كەربەلا تووشی خوسارەتیێ بوویە، بەروڤاژی وەرزێ بۆری د شەش یاریێن ئێكێ دا سێ سەركەفتن، دو وەكهەڤی و خوسارەتیەكێ، شیابوو ل دووماهییا خولێ ل رێزا نەهێ بهێت.
