پەیامنێری ل دەڤەرا ئامێدیێ یا ب ساناهی نینە
سندس سالح سلێڤانەیی:
دلۆڤان حەسەن، پەیامنێرێ گاڤ ل دەڤەرا ئامێدیێ، د دیدارەكێ دا بۆ رۆژناما ئەڤرۆ گۆت: ئەڤە نەه سالن ئەز دبۆارێ راگەهاندنێ دا كاردكەم و دەستپێكا من ل كەنالەكێ لۆكال بوو ب ناڤێ(بەفرین تیڤی) كو من راپۆرت چێدكرن و بێ بەرامبەر د دانە كەنالان، ل سالا 2018 هەتا 2020 وەك نوونەرێ گۆتارنامەیا (رۆژ ئارتیكل) ل دەڤەرا ئامێدیێ من كاركریە، ل دووماهیا وێ سالێ ژی بوومە پەیامنێرێ گاڤ ل سنۆرێ دەڤەرا ئامێدیێ و هەتا نوكە یێ بەردەوامم.
ناڤبری گۆت: هەلبەت مە ژی وەكو هەموو پەیامنێران ل دەستپێكێ هندەك زەحمەت و ئاستەنگ دیتن، لێ بۆمە بوونە سەربۆر و دەرباز بوون، نوكە ل گاڤ كاردكەین و درۆشمێ گاڤ (گاڤەكێ ل پێشترین) و كاركرن لڤێ دەڤەرێ هەتا رادەیەكی یا ب زەحمەتە، چنكو سنۆرێ دەڤەرێ گەلەكە، ب تایبەت ژی لڤێ دووماهیێ كو هندەك شەڕ و ئالۆزی پەیدابوون، لەورا دبێژم كاركرنا پەیامنێران لڤێ دەڤەرێ یا ب ساناهی نینە، لێ خەلكێ دەڤەرێ ل گەل مە یێ هاریكارە بۆ دانا هەر پێزانینەكێ، لەورا ئەڤ چەندە دبیتە ئەگەر كو پترخوە ماندی بكەین، هەروەسا ب كاری ژی ڤە بهێینە گرێدان و ئەز حەزژ گەهاندنا نووچەیێن بلەز دكەم و ب دیتنا من رەوشا راگەهاندنێ ل دەڤەرا مە یا باشە.
