پەیامنێری مرادا من بوو
هەرهین محەمەد:
محەمەد مچۆلی، پەیامنێرێ زاخۆ تیڤی، ددیدارەكێ دا بۆ رۆژنامەیا ئەڤرۆ گۆت: ئەڤە بۆ دەمێ دەه سالانە ئەز كارێ پەیامنێریێ دكەم و من ئەڤ كارە هەلبژارت، چونكو حەزەك بوو ژ مێژە ل گەل من و مرادا من بوو كارێ پەیامنێریێ بكەم و نو كە ئەز پەیامنێرم و ل گەل وان حەزێن من هەین بۆ كارێ خوە ب جوانترین شێوە پەیامنێریێ دكەم و تیڤییێ و بینەران ژ خوە رازی دكەم و پەیامنێرێ راست و دروست ئەوە یێ رەوشتەكێ جوان هەبیت و ژ كامیرێ نەترسیت و سیمایەكێ جوان هەبیت و پەیامێ دروست بگەهینت، چونكو راگەهاندن پیشەكا وژدانیە و دڤێت ب راستی و دروستی بهێتەكرن.
هەروەسا گۆت: زاخۆ تیڤی ئێكەم وێستگەها منە لێ كاردكەم ب راستی ل گەل رێڤەبەرو ستافێ كەنالی گەلەك یێ ئارامم و زاخۆ تیڤی ب رۆلێ تەلەڤزیۆنا دایك رادبیت ل ئیدارەیا سەربەخۆیا زاخۆ و گەلەك پشتەڤانی و رێزێ ل كارمەندێن خوە دگریت.
