پەیمانگەها وەرزشی ل زاخۆ ئێکەم گەرا دەرچوونێ ئەنجام دا
ئەڤرۆ نیوز،عەلی حاجی:
ئێدریس عومەر هاریکارێ رێڤەبەرێ پەیمانگەها وەرزشی ل زاخۆ بۆ ئەڤرۆ نیوز گوت: (دئێکەم گەرا خوە یا دەرچوونا قوتابیان دا ل پەیمانگەها وەرزشی ل زاخۆ ٤٠ قوتابیین کچ و کور دەرچوون و بوونە خودانێن بروانامەیێن پەروەردا وەرزشی ژ سەرجەمێ دوو گروپان دناڤ پەیمانگەها مەدا پشتی پێنچ سالێن خواندنێ،رێڤەبەرێ پەروەردا زاخۆ رولەکێ بەرچاڤ هەبوویە د دابین کرنا ماموستایان دا و سدئەڤ سالە دا پێنچ ماموستا فەگوهاستنە پەیمانگەها مە،بەلێ مە ئاریشەیەکا مەزن دئاڤاهی دا هەیە کو ئەم دئاڤاهیەکێ دا قوتابخانەکێ داینە و ئەڤ چەندە ژی بویە ئەگەر ئەم نەشێن سالانە زێدەتری ٤٠ قوتابیان وەربگرین بەلێ هەکە من ئاڤاهیەکێ تایبەت هەبایە دا شێن زێدەتر قوتابیان وەربگرین و وەکو زانکویان وانەیێن زێدەتر ژی ب قوتابیان بدەین).
ناڤهاتی ئەو چەندە ژی دیار کر سەرەرای کێم و کاسیێن دناڤ پەیمانگەها مە دا هەتا نوکە مە هولەکا گرتی یا وەرزشی نینە و هەر دیسان مە هولەکا کومپیوتەران ژی نینە بەلێ مە پێدڤی مەزن ب ئاڤاکرنا ئاڤاهیەکێ تایبەت هەیە بۆ پەیمانگەها مە دا کو ئەم ژ هەژمارەکا کێم و کاسیان رزگار ببین.
