پەیمانگەھا ھونەرێن جوان يا بوويى پەیمانگەھا مامۆستایان !!
ئه‌ڤرۆ:
ھونەرمەند (محەمەد عومەر) دامەزرێنەر و مامۆستایێ پشکا مۆزیکێ یێ پەیمانگەھا ھونەرێن جوان، ماوێ ١٤ سالانە ل وەلاتێ سوید دژیت، دھەڤدیتنەکێ دا ل گەل بەرپەرێ ھونەریێ ئەڤرۆ، بەحسێ ئاست و رەوشا مۆزیکێ ل دەڤەرێ دکەت.
ھونەرمەند محەمەد عومەر، گۆت: ل دووڤ کاودانێن وی دەمی کو دڤیا ھندەک بسپۆرێن ئەکادیمی ھەبان ھەتا پەیمانگەە ھاتبا دامەزراندن، مە ھەموو بزاڤکرن پەیمانگەھا ھونەرێن جوان بھێتە دامەزراندن، بێ بەرامبەر و ئارمانج ئەو بوویە ھونەر ژ قۆناغەکێ بەر ب قۆناغەکا دی بچیت، دەمێ مە دامەزراندی کەسێن خودان شیان و باوەری و خودان ھەلویست بوون، پشتی سالا ٢٠٠٣ کاودان ھەموو ھاتنە گوھۆرین و ھەر جوداھی ناھێـتەکرن و شیان پتر لێ ھاتن ل کوردستانێ دھەموو بیاڤێن ژیانێ دا، گەلەک دەزگەھێن ھونەری و سازیێن پەروەردێ و راگەھاندنێ ھاتنەڤەکرن.
ھونەرمەند محەمەد عومەری گۆتژی: نوکە ئاستێ ھونەری ل گەل ئاستێ پشتی سەرھلدنێ یێ وی دەمی ھاتیەخوارێ و گوھۆرین پەیدابووینە، ھاتنە خوار بۆ گەلەک ئەگەران دزڤریت، دبینم پەیمانگەھا ھونەرێن جوان کارتێکەرترین سازی بوو ل دھۆکێ کارتێکرن ل جڤاکێ کوردی کری، ئاستێ ھونەریێ پێشتر ب مخابنی ڤە ژ ئاستێ نوکەیێ ھونەری گەلەک بەرزتر بوویە و دڤێت بەرۆڤاژی با، دەرچوویێن پەیمانگەھێ یێن دەسپێکێ ھەتا نوکە دڤیا با مە ب تنێ بەحسێ چەند کەسان نەکربا، دڤیا با مەبەحسێ تشتێ مەزن کربا، دڤیابا نوکە مە گەلەک چالاکی دیتبان و نەب تنێ ناڤ تایبەت بۆ کەسانێن ئەکادیمی، دڤێت ھزر د داھێنانێ دا بھێتەکرن، ھەکە ھەر خولەکا دەرچوونێ ژ سالا دامەزراندنێ ھەتا نوکە ھەر ٣٠ قوتابیان ب تنێ پێنچ ب دروستی فێری کارێ ھونەری بانە، ل دووڤ وی ئاستێ وێ باوەرنامێ، ئەوا وەرگرتی، دڤیا با مە نوکە چو نەبیت نیڤ ئورکێسترایەک ل دھۆکێ ھەبا، ب مخابنی ڤە خەلک چوویە پەیمانگەھێ و دەرچوویە و ئەو ئاست نەبوویە، وەک پەیمانگەھا مامۆستایان لێ ھاتیە، ئەڤجا نوکە ب ناڤەکێ دی ل سەر ھونەری ھاتیە ھەژمارتن.
ھونەرمەند محەمەد عومەری، ھەمبەر نەبوونا ئەکادیمیێن مۆزیکێ گۆت: ب بۆچوونا من ئەکادیمی نەبیت باشترە بڤی رەنگی، ھەکە ھەبیت بۆ ناڤ نەبیت باشترە، چونکە ئەوێ وانێ دبێژیتە ئەکادیمیێ دڤێت ئاستێ ویێ ھونەری گەلەکێ بەرزبیت، ب تنێ دەرچوونا خەلکی بیت و بەکالوریوسان بکەینە دبەریکێ دا، ھەکە نەبیت باشترە دێ پتر خزمەتا دھۆکێ ھێتەکرن
محەمەد عومەری، گۆت ژی: ھەبوونا گەلەک کەسان ب ناڤ ھونەرمەندن پشتی سەرھلدانێ ژی ھەبوویە، نەباوەرنامەکێ ١٠٠ باوەرنامە ھەبن ھونەر داھێنانە و ھزرە.
محەمەد عومەری، گۆتژی: ھەبوونا گەلەک کەسێن ب ناڤ ھونەرمەن دپشتی سەرھلدانێ ژی ھەبوویە و نە باوەرنامەکێ ١٠٠ باوەرناما بینت ھونەر داھێنانە و ھزرە، دبیت ھەبن ھەر چ پەیوەندی ب ھونەری ڤە نینە.
ل دووماھیێ ھونەرمەند محەمەد عومەری ھیڤی خواستن کو کاودانێن وییێن کەسایەتی ببنە ھاریکار کو ب ئێک جاری بھێتە کوردستانێ، ھەڤالان بزاڤ کرینە وەک تاکە کەس بزڤرم و بھێم کارێن ھونەری ئەنجام بدەین، لێ دڤێت دەزگەە و سازی ب ڤی کاری رابن و ھەتا نوکە ئەڤە نەبوویە، ھاتنا کوردستانێ یا ب ساناھی نابیت، دڤێت بنیاتەک ھەبیت بشێی ڤەگەری.
