پەیوەندییێن ئیرانێ و کەنەدا ئالۆزتر دبن
پشتی کو کەنەدا سوپایێ پاسدارێن ئیرانێ وەکو رێکخستنەکا تیرۆرستی دا نیاسین پەیوەندییێن هەر دو ئالیان گەلەک ئالۆز بووینە و دوهی ژی وەزارەتا دەرڤە یا ئیرانێ د داخۆیانیەکێ دا راگەهاند کو حوکمەتا کەنەدا ناهێلیت وەلاتیێن ئیرانێ یێن کو ل کەنەدا دژین پشکداریێ د هەلبژارتنێن سەرۆک کۆمارێ ئیرانێ دا بکەن.
وەزارەتا دەرڤە یا ئیرانێ دیار کر، حوکمەتا کەنەدا ب هەموو رەنگەکی دوژمناتیا ئیرانێ دکەت و ئەو یەک د بەرژەوەندیا کەنەدا دا نینە، چونکی دێ کاریگەریا خراب بۆ کەنەدا ژی هەبیت.
چاڤدێرێن سیاسی یێن ئیرانێ ژی دیار دکەن، هەکە کەنەدا ل سەر سیاسەتا خوە یا نها ل دژی ئیرانێ بەردەوام بیت ئەو یەک دێ کاریگەریا خوە ل سەر هەلوەستێ هندەک وەلاتێن دی یێن جیهانێ ژی هەبیت.
