پەیوەندیێن ئیرانێ و سویدێ ئالۆز دبن
وەزارەتا دەرڤە یا سویدێ دوهی راگەهاند، ئیرانێ وەلاتیەکێ وان دەستەسەر کریە و بریارا ٥ سال سزایێ زیندانێ ل سەر سەپاندیە، د دەمەکێ دا کو ئەو وەلاتی یێ بێ تاوانە و ژ بەر ڤێ یەکێ ژی دڤێت بریارا دادگەها ئیرانێ بهێتە هلوەشاندن و ئەو وەکو سوید بریارا دادگەها ئیرانێ وەکو بریارەکا سیاسی ل قەلەم ددەن.
وەزارەتا دەرڤە یا سویدێ ئەو یەک ژی دیار کریە، بەری نها ژی ئیرانێ چەند وەلاتیێن وان ب بەهانێن جودا جودا دەستەسەر کرینە و سزایێ زیندانێ ل سەر وان هاتینە سەپاندن، ئەو یەک ب چو رەنگەکێ ناهێتە قەبوولکرن و دڤێت ئیران پێداچوونێ د بریارێن خوە سەبارەت ب وەلاتیێن سویدێ دا بکەت.
چاڤدێرێن سیاسی ژی دیار دکەن، بریارێن ئیرانێ سەبارەت ب وەلاتیێن سویدێ دێ بیتە ئەگەرێ ڤێ یەکێ پەیوەندیێن هەر دو وەلاتان پتر ئالۆز ببن.
