پەیوەندی نووترین بەرهەمێ خوە بەلاڤ كر
ئەڤرۆ
هونەرمەند پەیوەند جاف، نووترین بەرهەمێ خوە بناڤێ (كۆچی ئەبەد) بەلاڤكر كو ئاواز، بەلاڤكرنا مۆزیكێ و میكس و ماسترینگا ڤی بەرهەمی ژ لایێ ئاریۆسی ڤە هاتیە ئەنجامدان و تێكستا ڤی بەرهەمی ژ لایێ (مازیار فایەق)ی ڤە هاتیە نڤیسین و (بریار فەتاحی) كارێ دەرهێنانێ بۆ هەمان بەرهەم ئەنجامدایە.
ناڤهاتی خویا كر كو ل هەیاما بوری وی ئەڤ بەرهەمە ئامادەكربوو، بەلێ ژ ئەگەرێ وان كاودانێن ل سالێن بوری ب سەر هەرێما كوردستانێ دا هاتین بەلاڤكرنا ڤی بەرهەمی پاشخستبوو و بۆ رووداو گۆت: «چەندین بەرهەمێن دی یێن هونەری ل بەردەستێ من هەنە و دێ ب شێوەیێ تراك بەلاڤ كەم كو ئەڤە ددەمەكی دایە نوكە بەهراپتریا هونەرمەندێن جیهانی ژی بەرهەمێن خوە ب شێوەیێ تراك بەلاڤ دكەن».
پەیوەند جاف، ل سالا 1968 ل حەلەبجە ژدایكبوویە، د سالێن هەشتێیان دا ل سەدەیا بوری دەست ب كارێ هونەری كریە، ل سالا 1990 ل گەل تیپا مۆزیكا دەشتی كار كریە، ل سالا 1993 چوویە دەرڤەی وەلاتی، هەتا نوكە چار ئەلبۆمێن سترانان هەنە.
