پەیەدە داخوازا هاریکاریێ ژ روسیا دکەت
ئەڤرۆ نیوز:
شاهۆز حەسەن هەڤسەرۆکێ پارتیا ئێکەتیا دیموکرات ل سووریێ (پەیەدە) راگەهاند هەڤدیتنێن مە ل گەل شامێ د بەردەوامن و ئەم داخواز ژ روسیا ژی دکەین کو هاریکار بیت دا هەڤدیتنێن مە و شامێ بگەهنە ئەنجامەکێ باش و گۆت: (ژ بۆ چارەکرنا قەیرانا سووریێ دڤێت هەموو هێزێن ناڤخوەیی یێن سووریێ ل گەل هەڤدو دانوستاندنان بکەن و ئەم ل دژی هندێ نە کو ئاخا سووریێ بهێتە پارچەکرن).
ل دۆر ڤی بابەتی فەیسەل ئیسماعیل ئەندامێ سەرکردایەتیا پارتی دیموکراتی کوردستان/ سووریا ژی راگەهاند کو مە بەری نها ژی گەلەک جارنا گۆتیە کو پەیەدە و رژێما سووریێ پەیوەندیێن وان هەنە و نها ژی ئاشکرا دبیت کو هەڤکاریا هەڤدو دکەن و مخابن ئەو داخوازا هاریکاریێ ژ رژێما سووریێ دکەن و ناهێلن پارتێن کوردی ل رۆژئاڤا کار و خەباتا خوە بکەن.
