چارن چار
چارن چار
سه‌عید نه‌عمان هه‌رنی
دێ بلا به‌سبیت
مانێ هوون تنێ چارن
چار دیوارێن خوارن
هه‌ر چار دبێ چارن
دبێ ده‌رگه‌ه و بێ بانن
هه‌رچار دكه‌ڤندا
دبزڤن داكو به‌ری ل سه‌ر به‌ری دانن
لێ هه‌ر ماینه‌ڤه نه‌ڤی
نه‌ڤی ژی بلند نابن
دێ بلا به‌سبیت
هنگ چارن چار
چار ستێرن
ل ئێك عه‌سمان نابنه هه‌ڤسۆز
چ شه‌ڤ بیت یان رۆژ
بۆ ئێكدو ناكه‌ن كڕنۆش
نه وه شه‌وقه نه وه ڕه‌نگه
هه‌رماینه تاری
ل بن گه‌ڤالێن
ئه‌ڤرێ ره‌ش و ئه‌سمانێ نه ساهی
هنگ چارن
دو چاڤن و دو ده‌ستن
ژ ئێك دار نه‌خۆش و مه‌ستن
هه‌ر دهێتن چه‌رخ و ده‌ما
تێكه‌ل و د ناڤ هه‌موو وه‌رزا
بێ بهارن
چارن چار
چار بلبلن ره‌نگێن وان
كه‌سك و سۆر و شین و زه‌رن
ده‌نگێ وان به‌روڤاژی
سه‌ر ژێهه‌ل و سه‌ر ژێرن
هنده‌ك جاران هه‌رنا خوینن
بۆ ئێكدو پێلێن هارن
چارن چار
ئه‌ڤ چاره كانیێن زه‌لالن
شرین وسارن
لێ یامای هنگ
ببن ڕووبار
خوه كۆم بكه‌ن ل ده‌ریایێن به‌رین و پان
دێ بلا به‌سبیت هه‌تا كه‌نگی كرمێ دارێ دێ ژ دارێ بیت
بلا كه‌و نه‌یارێ كه‌وێ نه‌بیت
هه‌یڤ نه‌یارێ شه‌ڤێ نه‌بیت
دارێن كه‌ڤن
كت كت و جۆت جۆت
یێن خوه دسوژن
یێن خوه دكوژن
بۆ دوژمنی دبنه ڕه‌ژی
بۆ دوژمنی دبنه ڕه‌ژی
په‌یڤا(نه‌ڤی) ده‌ڤۆكێ ده‌ڤه‌را ئاكرێ یه ب ڕامانا (نزم) دهێت گۆتن
14-6-2021 هه‌ڤلێر
