چاره‌نڤیسێ كۆمانی د ده‌ستێ گرناتا دایه
ئه‌ڤرۆ،
ئه‌نجامێ یاریا ئه‌ڤرۆ یێ به‌رشه‌لۆنا و گرناتا دێ چاره‌نڤیسێ راهێنه‌رێ یانا كاته‌لۆنی رۆنالد كۆمان دیاركه‌ت و لبن گه‌ڤێن دوورئێخستنێ دایه هه‌كه ئاست و ئه‌نجام د باشن نه‌بن.
لدووڤ راپۆرتا رۆژناما ئاس یا ئسپانی كو یاریا ئه‌ڤرۆ یا تیما به‌رشه‌لۆنا هه‌مبه‌ری گرناته ژ چارچووڤێ حه‌فتیا پێنجێ یا خولا پلا ئێكا ئسپانیا چاره‌نڤیسێ راهێنه‌رێ به‌رشه‌لۆنا یێ هوله‌ندی رۆنالد كۆمانی دیاركه‌ت و دوورنینه بهێته دوورئێخستن ژی هه‌كه‌ر سه‌ركه‌فتنێ ژی بینن بێی ئاستێ به‌رچاڤ ژبه‌ركو راهێنه‌رێ ناڤهاتی نه‌شیایه ئاست و هێزا به‌رشه‌لۆنا ڤه‌گه‌ڕێنیت تایبه‌ت پشتی ئاسته‌كێ لاواز و خوساره‌تیه‌كا مه‌زن سه‌ر ده‌ستێ بایرن میونخ یا ئه‌لمانی ژ چامپیۆنز لیگ دابوو ب سێ گۆلێن پاقژ، هه‌روه‌سان هه‌تا نوكه ب حه‌فت خالان رێزا نه‌هێ د خولا ئسپانیا دا دهێت.
ژلایه‌كێ دووڤه هه‌مان راپۆرتێ دا ناڤێ پێنچ به‌ربژاران دیاركرینه بۆ ده‌ستنیشانكرنا ئێك ژوان بۆ جهێ كۆمانی هه‌كه‌ر بڕیارا دوورئێخستنا وی هاته دان ئه‌وژی، یێ ئیتالی ئه‌نتۆنیو كۆنتی، هوله‌ندی و ئه‌یاكس ئه‌مستردام ئێریك تێن هاچ، یێ ئسپانی چاڤی هێرناندێز، یی هۆله‌ندی جۆردی كرۆیف و دیێگۆ مارتینێز راهێنه‌رێ به‌رێ یێ گرناتا.
