چارچووڤی مه دورستكری ب خوینا شه‌هیدان ژێكڤه‌نه‌كن لوووو.. ..
بهێلن دارا ئازادیێ گه‌ش ببت نێ ئه‌ڤه ب هزاران شه‌هید كه‌لێ مه دان ژ بۆ ئازادی و رزگاركرن و ئیمناهی و پاراستن و گه‌هشتنا هه‌می مافێن مه یێن ره‌وا ل كوردستانێ وه‌لاتێ قوربانیدانێ ئێدی كه‌یفا خه‌لكی مه دهات دگۆتن به‌رهه‌مێ خوینا شه‌هیدێن مه و به‌ره‌ڤانیا پێشمه‌رگێن كوردستانێ دژی تیرۆر و تیرۆرستان و دكتاتۆران ئاخا وه‌لاتی رزكاركرن ژبن ده‌ستان و سه‌ركه‌فتنێن پێشمه‌رگان دلێ ملله‌تی ڤێكرا خوه‌ش و شادكر و په‌نابه‌ران ژی قه‌ستا مه دكر ب كۆم كۆم ملله‌تی خودانكر ل هه‌ر چار پارچێن ژێكڤه‌بووی ژ پارچێن كوردستانێ (باشۆر و باكۆر و رۆژهه‌لات و رۆژئاڤا) ده‌مێ رژێمێن وان زۆرداری ل وان دكرن و ئه‌ڤرۆ سه‌ر و سیمایێن وان دیارن ده‌مێ ده‌وله‌تێن زلهێزێن جیهانێ پشته‌ڤانیا خوه بۆ پیشمه‌رگان دیاركرین كو ب چه‌ك بێخن جیهانا عه‌ره‌بی و ده‌وله‌تا عیراقا فاشل و دكتاتۆر و ئیرانا نه ئیسلامی و گه‌له‌ك وه‌لاتین دی ژ قه‌هراندا په‌قن و تۆره‌بین و ب ئاشكه‌رایی دگۆتن قه‌بوول ناكین قه‌بوول ناكین، پشته‌ڤانیێ ژ كوردان قه‌بوول ناكین و دگۆتن ج چه‌ك بگه‌هن پێشمه‌رگان دێ رێیێ ل هاتنا وان ئالۆزكین و هنداكین و ئه‌و خه‌ونا كورد پیڤه دبینن چ جاران ناهێلن ببت راستی هۆ كوردێ هه‌ژار ئێدی به‌سه یا خوه بزانه و ئێكدو قه‌بوول بكه‌ن و خوه بكن ئیك ل هه‌ر چار پارچان پیلانگێر زۆرن، زۆر گه‌له‌ك چالكا بۆ مه دكۆلن كوور ب كوور و فه‌ساد و نه‌یارێن گه‌لی مه هه‌ر ئێكن و ژێكڤه‌نابن ژبوَ قركرنێ و نه‌هیلانێ و دووركه‌تنا مافان رێیێ بۆ تێكدانێ خۆش دكن ڤێجا ژ خودێ بترسن پارتێن سیاسیێن كوردستانێ خوه بكن ئێك بۆ خاترا وه‌لاتێ شه‌هیدان و ناڤوده‌نگی و هه‌یبه‌تا مه كوردان شێلی و تیك نه‌دن و ئاژاوا چێنه‌كن و بلا به‌س بت ئیدی براكوژی لووو بۆ كێ چه‌ك بهێت هلگرتن و راكرن؟ و بۆجی؟ و ژبه‌ر جی؟ و هه‌تا دووماهیێ پسیار؟ خوه ل سه‌ری مرۆڤان دشارینن ب تنێ بزانن یێ زه‌ره‌رمه‌ند و زیان، لێ بكه‌ڤت هه‌ر كورده و زارۆكێن وانانن هووو كوردینۆ هۆ پارتینۆ خیزانێن مه كوردان بلا جاره‌كا دی رۆندكان بۆ شه‌ڕێ براكوژیێ نه‌بارینن دلێن دایكێن مه نه سۆژینن ب شه‌هیدكرنا گه‌نج و لاوێن ملله‌تی و ڤێكرا دبیژن تو كیی؟ و ژكیڤه هاتیی؟ دێ بێژت ئه‌ز كوردم كورێ كوردامه ژ نفشێ ئاری و میدیا مه و هیڤیا مه هه‌میان كوردستانه وه‌لاتی مه یێ قاره‌مانه چارچووڤێ مه دورست كری ب خوینا شه‌هیدان ژێكڤه‌نه‌كن لوووو گه‌ل دێ ڤێجا نه‌فره‌تان بارینیت و دیرۆك و ئاینده تۆره دبن و ئێدی بلا ئیكگرتنێ بكن رێ دا زارۆیێن مه ژی بگرنژن و شادبن و شه‌برزه‌نه‌بن و هه‌ر دیرۆكا باقژا گه‌لێ خوه ب خوینن و بێژن مه خه‌باته و سه‌رهلدانه و شۆره‌ش و به‌رخوه‌دانه ژبۆ ئازادیا كوردستانێ ل هه‌ر چار پارچێن جیهانێ مه دیلانه مه دیلانه بۆ ده‌وله‌تبوونا مه كوردان ئاماده‌نه جانفیدانه، جانفیدانه
