چارچۆڤێ هه‌ماهه‌نگیێ: دانوستاندنێن راسته‌وخوه ل گه‌ل ره‌وتێ سه‌دری ناكه‌ین
ئه‌ڤرۆ:
هه‌ڤپه‌یمانیا چارچۆڤێ هه‌ماهه‌نگیێ راگه‌هاند، دانوستاندنێن راسته‌وخوه ل گه‌ل ره‌ه‌وتێ سه‌دری ناكه‌ین، هه‌كه دانوستاندنان ژی بكه‌ین پێدڤیه ره‌وتێ سه‌دری خوه ژ داگیركاریا داموده‌زگه‌هێن ده‌وله‌تێ بكێشیت.
دوهی سێشه‌مبی 23 ئاب، چارچۆڤێ هه‌ماهه‌نگیێ د به‌یاننامه‌كێدا به‌لاڤكر، هه‌موو ئه‌و سه‌رپێچیێن ل سه‌ر جڤاتا دادوه‌ری و ئه‌و گه‌فێن ل سه‌ر سه‌رۆكێ دادگه‌ها فیدرالی شه‌رمزار دكه‌ت.
هه‌ڤپه‌یمانیا چارچۆڤێ هه‌ماهه‌نگیێ داخواز ژ سه‌رۆكایه‌تیا جڤاتا نوونه‌رێن ئیراقێ كر بۆ كۆمبوونا جڤاتا نوونه‌ران ل ده‌رڤه‌ی به‌غدا، به‌لێ سه‌رۆكایه‌تیا جڤاتا نوونه‌ران ئه‌و داخوازه ره‌تكر، هه‌روه‌ا هه‌ڤپه‌یمانیا ناڤبری داخواز ژ هه‌موو ئالیان كر بێده‌نگ نه‌بن، به‌لكو دڤێت ده‌ستپێشخه‌ریێ بكه‌ن بۆ شه‌رمزاركرنا ڤێ پێشێلكاریێ.
هه‌روه‌سا د به‌یانناما خوه دا به‌لاڤكر ژی، دانوستاندنێن راسته‌وخوه ل گه‌ل ره‌وتی سه‌دری ناكه‌ن، تنێ پشتی راگه‌هاندنا ڤه‌كێشانا خوه ژ داگیركاریا داموده‌زگه‌هێن دستووری یێن ده‌وله‌تی.
چارچۆڤێ هه‌ماهه‌نگیی، حوكمه‌تا ئیراقی به‌رپسیار دكه‌ت ژ پاراستنا مولكێن ده‌وله‌تێ و گیانێ فه‌رمانبه‌ران و به‌رپرسان، ب تایبه‌تی ده‌ستهه‌لاتا دادوه‌ری كو تاكه تشته بۆ ئیراقێ مای. د
هه‌ڤده‌م لژنا به‌رهه‌ڤكارا خوه‌نیشادانێن چارچۆڤێ هه‌ماهه‌نگیێ داخواز ژ لایه‌نگرێن خوه كر كو د به‌رهه‌ڤ بن بۆ هه‌موو ئه‌گه‌ره‌كێ.
