چارێك دووماهیا چامپیۆنزێ دیدارێن ئاگرین و دیرۆكا جوان ڤەگەڕاندن
ئەڤرۆ
ل ئەینیا بۆری پشككێشانا قۆناغا چارێك دووماهیا قارەمانیا یانەیێن ئۆرۆپا قارەمانێن خولا چامپیۆنز لیگ هاتە ئەنجامدان ئەوا بووینە دیدارێن ئاگرین و دیرۆكا جوان بۆ هەشت یانەیێن دەربازبووی، بڕیارە یاریێن گەڕا ئێكێ ل 11 و 12ێ نیسانا بهێت دەستپێبكەن و یاریا دویێ ل 18 و 19 هەمان هەیڤ بهێتە كرن و پشككێشان بڤی رەنگی بوون.
ئێك- ریال مەدرید یا ئسپانی – چێلسی یا ئنگلتەرا.
دو- ئەنتەر میلان یا ئیتالی- بەنفیكا یا پۆرتۆگالی.
سێ- مانچستەر ستی یا ئنگلتەرا- بایرن میۆنخ یا ئەلمانی.
چار- ئەی سی میلان یا ئیتالی- ناپۆلی یا ئیتالی.
بۆ زانین سەركەفتیێ هژمارە ئێك دێ بەرانبەری سەركەفتیێ هژمارە سێ بیت، سەركەفتیێ هژمارە چاری دێ بەرانبەری سەركەفتیێ هژمارە دو بیت، یاریێن قۆناغا پێش دووماهیێ یێن چوونێ دێ ل نەه و10 ئەیارا بهێت و یێن هاتنێ ل 16و17ێ هەمان هەیڤ هێنە كرن، یاریا دووماهیا چامپیۆنزێ دێ ل 10 خزیرانا بهێت باژێرێ ئستەنبۆلا تۆركیا مێڤانداریا وێ كەت.
• دیرۆكا جوان ڤەگەڕاند
دەربازبوونا سێ یانەیێن ئیتالیا بۆ ڤێ قۆناغێ دیرۆكا بەری چەندین سالان ڤەگەڕاند و بیرەوەریێن زلهێزا یانەیێن ئیتالیا نیشاندا كو دبیتە جارا ئێكێ پشتی ڤەقەتیانەكا درێژ، ژلایەكێ دووڤە دەربازبوونا بەنفیكا ژی دیرۆكا هەردو سالێن 1988 و 1990ێ ڤەگەڕاندن دەمێ گەهشتینە یاریێن دووماهیێ لێ سالێن 1987 و 2004ێ شیابوو دو ناسناڤێن چامپیۆنزێ بدەستڤەبینت، دیسان دیدارا چامپیۆنزێ ب تاما نافخۆیی یا میلان و ناپۆلی بیرەوەریێن دیرۆكی دناڤبەرا هەردو یانەیان دا ڤەگەڕاندیە ئەوێن د دەمەكی دا هەڤڕكی بۆ ناسناڤێ خولا ئیتالیا دكرن ل سەردەمێ مارادۆنا، كاریكا و ئەلیما دەمێ دگەل ناپۆلی، هەروەسان رۆد غۆلێت، ڤان باستن و رایكارد ستێرێن میلانێ، لێ دێ هەر مینیت یاریێن ئاگرین د نوكە دا پرانیا جەماوەرێ وەرزشی ل جیهانێ ژبیر نەكەت ئەوژی ریال مەدرید، چێلسی و بایرن میۆنخ و پاریس سانجێرمان كو هەرچوار بەربژارێن ناسناڤی نە.
