چارەسەریەکا نوو بۆ بھێزکرنا حەزا سیکسی

ئه‌ڤرۆ نيوز:

تو ھەست پێ دکەی حەزا تە یا سیکی لاواز بوویە؟ چو خەما نەخۆ، ڤەکۆلینەکا ئیتالی یا نوو چارەسەریەکا بساناھی بۆ ئاریشا تە دیتیە.
ڤەکۆلەرێن ئیتالی د ڤەکۆلینا خوە ا، 38 زەلامێن حەزا وان یا سیکسی یا لاواز، ھەرو سپێدێ بۆ دەمێ نیڤ سەعەتێ دانانە بەر ژێدەرەکێ رۆناھیێ کو 10.000 لوکسێن رۆناھیێ بدەت، بۆ نموونە تیشکا رۆژێ دگەھیتە 100.000 لوکسان، د رۆژێن عەور ژی 1000 لوکسان.
پشتی دو حەفتیان، ئەو زەلامێن چارەسەری ب تیشکا رۆناھیێ وەرگرتین دیار کرن؛ باشبوونەکا سێجارکی بخوەڤە دیت ئالیێ رازیبوونا سیکسی ڤە.
ئەو زەلامێن کەفتینە بەر تیشکا رۆناھیێ گەڕەکا زێدەتر یا ھورمۆنێ تستوستیرۆن ل نک پەیدا بوو، ئەو چەندە ژی ئەگەرە بۆ زێدەکرنا حەزا سیکسی.
ئەندریا فاگۆلینی، دکتورا ل زانکۆیا سییەنا ئاشکرا کر؛ دەمێ لەشی دکەڤیتە بەر تیشکا رۆناھیێ، پتر ژ کەرستەکێ کیمیاوی بەرھەم دئینیت ناڤێ ھورمۆنێ لوتینە، بلندبوونا وی ھورمۆنی دبیتە ئەگەرێ زێدەبوونا ھورمۆنێ تستوستیرۆن.
ئەڤ چەندە ژی رامانا وێ ئەو نینە تو دشێی بساناھی ئاریشا خوە چارە بکەی ب رێکا ڤەکرنا پەردا پەنجەرێ، بەلێ پێدڤییە بکەڤیە بەر ھێزا رۆناھیێ یا وان پشکداران د تاقیکرنێ دا بکارئینای.
بەلێ ل دەستپێکێ د گەل نۆشدارێ خوە باخڤە، بەری تو خوە بێخیە بەر رۆناھیێ، دبیت تە ھندەک ئاریشێن دی ھەبن وەکو ھورمۆنێ تستوستیرۆن، غودا دەرەقی یان نەخۆشیێن گولچیسکان، کو ئەو ژی دبنە ئەگەرێ لاوازیا حەزا سیکسی.

کۆمێنتا تە