چارەنڤیسێ 900 قوتابیێن ئێزدی ھاتە ئێکلاکرن
ئەڤرۆ نیوز، سالار دۆسکی:
ب بریارەکا سەرۆکێ حوکمەتا ھەرێما کوردستانێ قوتابیێن ئێزدی ژ زانکۆیا مووسل بۆ زانکۆیێن کوردستانێ ھاتنەڤەگۆھاستن و ل دووڤ ئامارێن بنگەھێ لالەش یێ رەوشەنبیری بتنێ ١٥٠ ژوان قوتابیان یێن کولیژا پزیشکی نە.
جەعفەر سمو، بەرپرسێ راگەھاندنێ ل بنگەھێ لالەش بۆ ئەڤرۆ نیۆز گۆت: ب بریارەکا نێچیرڤان بارزانی سەرۆکێ حوکمەتا ھەرێما کوردستانێ قوتابیێن ئێزدی ئەوێن زانکۆیێن موسل دخاند ھاتنە ڤەگۆھاستن بۆ زانکۆیێن ھەرێمێ و ئەڤە ب رێکا بنگەھێ لالەش بوویە و ب ڤێ مەرەمێ قوتابیێن ناڤبری سوپاسیا بنگەھێ لالەشکرن.
جەعفەر سمویی گۆت ژی: ژمارا گشت قوتابیان ٩٠٠ قوتابی نە و بتنێ ١٥٠ ژوان قوتابیان یێن کولیزا پزیشکن و ھەر ھەموویان سوپاسیا سەرۆکێ حوکمەتا ھەرێما کوردستانێ و بنگەھێ لالەشکرن.
