چار رێکێن کاریگەر بۆ کێمکرنا کێشا لەشی
ئه‌ڤرۆ:
ھەر کەسەکێ حەز ھەبیت خوە ژ قەلەویێ ب گوھۆریت بۆ زەعیفیێ و ل گەل دەمی پێش بکەڤیت، پێدڤیە پێگیریێ ب ھندەک تشتا بکەت دا بشێت وێ گوھۆرینا خوش دژیانا خوەدا ب جھبینیت، ھندەک شیرەت ھەنە کو دشیاندایە ب لەز سەنگێ خوە کێم بکەی، ب تنێ یا ل سەر تە پێدڤیە پێگیریێ پێ بکەی و ب رێیەکا بەردەوام بجە بینی دا بگەھیە ئارمانجا خوە.
١- رۆژانە ھاندانا خوە بکە: د دەفتەرا تێبینیێن خوە دا بنڤیسە، رۆژانە سپێدەھیان ل بەر قودیکا رووناھیێ بخوینە، بەس بێژە خوە کو تو دشێی وی کاری بکەی، ھەول بدە بلا تە باوەری ب خوە ھەبیت، رۆژا ددوڤدا ھەڤڕکیێ بکە، ب ڤێ چەندێ دێ ھەستەکا ھێزێ ل دەڤ تە پەیدابیت و دێ بەرھنگاریا ھەر تشتەکی کەی کو ببیتە ئەگەرێ زەعیفیا تە.
٢- ڤەخوارنا گەلەک ئاڤێ: ل سپێدەھیان ھەکە تە بڕیار دا گەلەک ئاڤێ ڤەخوی، ھەلبەت دێ گوھۆرینێ بینی، ئاڤ یا گرنگ و مفادارە بۆ ساخلەمیێ و چ زیان تێدا نینە و پێدڤیە مرۆڤ رۆژانە ڤەخوت، ھەول بدە سپێدەھیان دو لیترێ، ئاڤێ ڤەخوو، پاشی رۆژانە ھەول بدە چارێک لێترێ ل سەر زێدە بکە، ئەڤ گوھۆرینە ل دووماھیێ دێ مفای ل تە کەن و دێ باش بن بۆ زەعیفیێ.
٣- دانەکێ خوارنێ بێی شەکر بخوو: نە یا ب زەحمەتە رۆژێ دانەکێ خوارنێ ژ سەرجەمێ سێ دانا بێ شەکر و تشتێ شرین بخووی، ھەموو دەما ھەول بدە دانێ ب شەڤێ یێ بێ شریناھی بیت و پاشی ھەول بدە دانەکێ دیتر ژی یێ خوارنێ بێ شەکر بیت و پشتی دەمەکێ کێم دێ ھەست ب کێمبوونا سەنگی کەی.
٤- کونترۆلا چەنداتیا خوارنێ بکە: ئەڤ بابەتە گەلەک یێ گرنگە بۆ کەسێن کو بڤێت سەنگێ خوە کێم بکەن، ئەو کەمیا رۆژانە دھێتە خوارن فاکتەرەکێ گرنگە بۆ زەعیفیا مرۆڤی، ئەم نابێژین خوارنێ نەخوون، بەلێ ھەر چ نەبیت کەمیا خوارنێ کێمتر لێ بکەن، ئەڤێ چەندێ ژی چو زیانێن خوە نابن.
