چار سالە بتنێ دچیتە سەر رووبارێ ماسیا
بارزان، نەوزاد ھلۆری:
کچەکا دەڤەرا بارزان ئەڤە پتری چار سالانە ب چۆپی و بتنێ دچیتە سەر رووبارێ زێی مەزن بۆ گرتنا ماسیان.
شادیا حەکیم، د دیدارەکێ دا بۆ رۆژناما ئەڤرۆ دبێژیت: ھەر ژ زارۆکینیێ من حەزا گرتنا ماسیان ھەبوویە، بەلێ ئەڤە چار سالە ئەز تنێ دچمە ماسیان، راستی ماسی گرتن ئێکە ژ کارێن ھەرە زەحمەت، بەلێ ژبەرکو ئەزا فێربویم بۆ من زۆرا خۆشە.
ناڤبری کو پێشمەرگەیە ژی، د درێژاھیا ئاخفتنێن خودا دیارکر ژی کو ئەو زۆر حەزژ کارێن دەرڤەیێ مالێ دکەت و گۆت: د دەمێ بۆری دا جارەکێ کەفتە د روباری دا بەلێ ژبەرکو مەلەڤان بووم شیام خوە رزگار بکەم، دڤێت زەلام و ژن پێکڤە کاران بکەن و مەزنان ژی دوپات کریە کو شێر شێرە چ ژنە چ مێرە، ئەز ب ھاریکاریا خێزانا خوە ل سەر گرتنا ماسیان دێ یا بەردەوام بم
