چار كه‌سان ل ده‌ڤه‌را ئامێدیێ ب روودانان گیانێ خوه ژ ده‌ست دان
ئامێدیێ، محمود نهێلی:
ژ ئه‌نجامێ سێ روودانێن هاتنوچوونێ د سێ رۆژێن ده‌ربازبوویی دا ل سنوورێ قه‌زا ئامێدیێ چار كه‌سان گیانێ خوه ژ ده‌ست داینه و چار كه‌س ژی بریندار بووینه.
ل سه‌ر رێیا د ناڤبه‌را كۆمه‌لگه‌ها قه‌دش بۆ ئامێدیێ، ترۆمبێله‌ك ل بن كونترۆلا شۆفێری ده‌ردكه‌ڤیت و وه‌ردگه‌ڕیێت و د ئه‌نجام دا كه‌سه‌ك بناڤێ (مه‌تین نه‌عمان) د ژییێ 25 سالیێ دا كو خه‌لكێ گه‌ڤه‌را باكورێ كوردستانێ بوویه گیانێ خوه ژ ده‌ست دا و كه‌سه‌كێ دی ژی بریندار بوو.
دیسا ژلایه‌كێ دی ڤه و ژ ئه‌نجامێ روودانه‌كا هاتنوچوونێ ل وانا باكورێ كوردستانێ دو كه‌سێن خه‌لكێ قه‌زا ئامێدیێ ب ناڤێ (مه‌هدی سه‌دیق و زه‌ینه‌ب ئامێدی) د ژییێ 55 بۆ 60 سالیێ دا بووینه گیانێ خوه ژ ده‌ست دان كو هه‌ڤژینێن ئێك بووینه و هه‌روه‌سا كچا وان ژی یا 21 سالی بناڤێ جوان بریندار بوویه.
هه‌روه‌سا ژ ئه‌نجامێ وه‌رگه‌ڕیانا ترۆمبێله‌كێ ل گوندێ دێره‌شێ یێ سه‌ر ب قه‌زا ئامێدیێ ڤه، زارۆیه‌كێ نه‌ه سالی بناڤێ (ئه‌حمه‌د عه‌بدولجه‌بار) گیانێ خوه ژ ده‌ست دایه و برایه‌كێ وی ژی بریندار بوویه.
